21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
ՌԴ-ն Արևմուտքից պատասխան է ակնկալում, հակառակ դեպքում՝ կոնկրետ քայլեր կձեռնարկի․ Լավրով
Քաղաքականություն
26.01.2022 | 16:07
Ռուսաստանը թույլ չի տա քննարկումներով ձգձգել անվտանգության երաշխիքների վերաբերյալ առաջարկները և, արձագանքի բացակայության դեպքում, կոնկրետ քայլեր կձեռնարկի։ Այս մասին հայտարարել է ՌԴ արտգործնախարար Սերգեյ Լավրովը՝ ելույթ ունենալով Պետդումայում, գրում է ՌԻԱ Նովոստին։
«Եթե կառուցողական պատասխան չլինի, և Արևմուտքը շարունակի իր ագրեսիվ կուրսը, ապա Մոսկվան, ինչպես բազմիցս հայտարարել է նախագահը, կձեռնարկի անհրաժեշտ պատասխան միջոցներ»,- ասել է նախարարը։
Նա հիշեցրել է, որ Ռուսաստանն ակնկալում է այս շաբաթ պատասխան ստանալ ներկայացված նախագծերի վերաբերյալ։ Լավրովը նաև ասել է, որ Մոսկվան խստորեն կճնշի իրեն որպես Ուկրաինայի հակամարտության կողմ ներկայացնելու փորձերը։ Նրա կարծիքով՝ ԱՄՆ-ը Կիևին մղում է ուղիղ սադրանքների Ռուսաստանի դեմ՝ Ուկրաինայի ղեկավարությանը մինսկյան պայմանավորվածությունների կատարումը ստիպելու փոխարեն։
Այս ամենն արվում է, որպեսզի ԱՄՆ-ն և Եվրոպան իրենց համար միակողմանի առավելություններ ապահովեն, հայտարարել է ՌԴ դիվանագիտության ղեկավարը։
Տաթև Ֆռանգյան
