29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Լեհաստանի սահմանապահ ծառայությունը հայտարարել է Բելառուսի հետ սահմանին կրակոցների մասին
Քաղաքականություն
26.01.2022 | 13:35
Լեհաստանի սահմանապահ ծառայությունը հայտնել է, որ սահմանին բելառուս զինվորները կրակ են բացել հրազենից՝ տեսնելով լեհ սահմանապահներին։
«Գիշերը Չերեմխայի սահմանային հատվածում բելառուս զինվորները, տեսնելով լեհ պարեկներին, կրակել են հրազենից»,- ասվում է Լեհաստանի սահմանապահ ծառայության Twitter-ում հրապարակված հաղորդագրությունում։
Նշվում է, որ, ընդհանուր առմամբ, վերջին մեկ օրվա ընթացքում 12 մարդ փորձել է ապօրինի հատել լեհ-բելառուսական սահմանը։ Նրանք Իրաքի, Սիրիայի և Լիբանանի քաղաքացիներ են։ Օրինախախտները բերման են ենթարկվել։
Հիշեցնենք՝ Լատվիայի, Լիտվայի և Լեհաստանի հետ Բելառուսի սահմաններին ճգնաժամը, որտեղ անցյալ տարեսկզբից ներգաղթյալներ են կուտակված, կտրուկ սրվել է անցյալ տարվա նոյեմբերի 8-ին։ Մի քանի հազար մարդ բելառուսական կողմից մոտեցել է Լեհաստանի սահմանին, նրանցից ոմանք փորձել են ուժով մտնել Լեհաստան՝ ճեղքելով փշալարը։
Վերջին ամիսներին միգրանտները պարբերաբար փորձում են փոքր խմբերով մտնել Լեհաստանի տարածք։ Ընդհանուր առմամբ, վերջին մեկ տարվա ընթացքում անօրինական ներգաղթյալների կողմից Բելառուսից անօրինական մուտք գործելու շուրջ 40 հազար փորձ է գրանցվել։ Մեկ տարի առաջ այս թիվն ընդամենը 122 էր։
Տաթև Ֆռանգյան
