13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքական մի շարք գործարաններ դադարեցրել են արտադրությունը՝ բնական գազի ճգնաժամի և էլեկտրաէներգիայի անջատումների պատճառով
Քաղաքականություն
25.01.2022 | 22:03
Թուրքիայի արդյունաբերական ընկերություններն առնվազն երեք օրով դադարեցրել են արտադրությունը՝ Իրանից գազի մատակարարման խնդիրների պատճառով բնական գազի և էլեկտրաէներգիայի համատարած կրճատման մասին հայտարարությունից հետո։ Այս մասին գրում է Duvar-ը։
Նախորդ շաբաթ Իրանը հայտարարել էր, որ 10 օրով դադարեցնում են գազի մատակարարումները Թուրքիային՝ միջպետական խողովակաշարի տեխնիկական խնդրի պատճառով։ Դրանից հետո Թուրքիան հայտարարեց, որ հաշվի առնելով մատակարարման դադարեցումը՝ բնական գազի հոսքերը դեպի ծանր արդյունաբերական գործարաններ 40%-ով կնվազեն։
Չնայած սրան՝ հունվարի 22-ին պատասխանատու մարմինների պաշտոնյաները Թուրքիայի կազմակերպված արդյունաբերական գոտիների մենեջերներին տեղեկացրել են, որ բնական գազի և էլեկտրէներգիայի մատակարարումը հունվարի 24-ից ամբողջությամբ դադարեցվելու է, որը տևելու է երեք օր։
Այս ամենը տեղի է ունենում այն ժամանակ, երբ Թուրքիայում արտադրողներն արդեն իսկ բախվում են հումքի և սարքավորումների գների ծայրահեղ բարձրացման, ինչը պայմանավորված է արտարժույթի փոխարժեքների տատանմամբ և ռեկորդային բարձր գնաճով: Սա նաև հակասում է երկրի նախագահ Ռեջեփ Թայիփ Էրդողանի՝ արդյունաբերության վրա հիմնված տնտեսության ռազմավարության ծրագրին։
Էմմա Չոբանյան
