07.11.2024 | 12:34
«Ավտոբո՞ւս կայանել. «Նոան» երբեք այդպես չի խաղում». Մոտան՝ Չելսիի հետ խաղի մասին
ԱՄՆ Պետքարտուղարությունն արձագանքել է Էրդողանին վիրավորելու համար թուրք հայտնի լրագրողի կալանավորմանը
Քաղաքականություն
25.01.2022 | 15:39
ԱՄՆ Պետքարտուղարության մամուլի խոսնակ Նեդ Փրայսնն անդրադարձել է թուրք հայտնի լրագրող Սեդեֆ Քաբաշի կալանավորմանը։ Այս մասին տեղեկանում ենք Պետքարտուղարության պաշտոնական կայքից։
Մասնավորապես, լրագրողները հիշեցրել են, որ թուրք հայտնի լրագրողը կալանավորվել է՝ նախագահ Էրդողանին վիրավորելու համար, իսկ պետական գործակալությունը տուգանել հեռուստաալիքին, որտեղ նա աշխատում է։ Բացի այդ, ևս մեկ դեպք էլ առնչվում է հայտնի երաժշտի, որը սպառնալիքներ է ստանում իսլամիստներից ու ազգայնական խմբերից՝ որոշ ժամանակ առաջ արված գրառման համար, և նախագահ Էրդողանը սպառնացել է նրան լռեցնել։
«Փաստ է՝ մենք հավատում ենք, որ խոսքի ազատությունն ամրապնդում է ժողովրդավարությունը և կարիք ունի պաշտպանվելու, եթե նույնիսկ պարունակում է բառեր, որոնք կարող են որոշները հակասական կամ անհարմար համարել։ Մենք տեղյակ ենք և հիասթափված Սեդեֆ Քաբաշի ձերբակալության կապակցությամբ։ Այդ սկզբունքները հավասարապես վերաբերվում են Թուրքիային, ինչպես մյուս երկրներին»,- ասել է Նեդ Փրայսը։
Հիշեցնենք, որ թուրքական դատարանը հայտնի հեռուստալրագրող Սեդաֆ Քաբաշին կալանավորելու որոշում է կայացրել՝ երկրի նախագահ Ռեջեփ Թայիփ Էրդողանին վիրավորելու համար։
Քաբաշը, մասնավորապես, հեռուստաեթերում և թվիթերյան գրառմամբ ասել էր․ «Եզը կարող է իր ճանապարհը գտնել դեպի պալատ, սակայն դա նրան թագավոր չի դարձնում։ Սա, սակայն, պալատն է վերածում գոմի»։
Ավելի ուշ լրագրողն ասել է, որ իր խոսքերն ասացվածք են, և նախագահին վիրավորելու մտադրություն չի ունեցել։
Էմմա Չոբանյան
