22.01.2026 | 14:13
Դավոսում ստորագրվում է «Խաղաղության խորհրդի» կանոնադրությունը․ ՈՒՂԻՂ
Ոստիկանությունը հատուկ միջոցներ կիրառեց Բաղրամյան պողոտայում․ ջրցան մեքենա է բերվել, կան վիրավորներ. ՏԵՍԱՆՅՈՒԹԵՐ
Քաղաքականություն
16.04.2018 | 16:55
Ոստիկանության կիրառած միջոցների պատճառով Բաղրամյան պոտողայում մեր տեսախցիկը ֆիքսեց մի քանի քաղաքացիների, որոնք ստացել էին բեկորային վնասվածքներ։ Նրանց արյունահոսող վերքերը փորձում էին վիրակապել քաղաքացիները, մինչ մոտ 10-15 րոպե անց Բաղրամյան պողոտա հասավ շտապօգնության մեքենան։
Ականատեսների խոսքերով՝ մոտ տասը մարդ վիրավորվել է, մենք արձանագրեցինք թվով 5 վիրավորի։ Շտապօգնության մեքենայի մեջ, ըստ շտապօգնության աշխատակցի, կար երեք վիրավոր, որոնց տեղափոխեցին բժշկական կենտրոն։ Այն բանից հետո, երբ Ճարտարապետների միության մոտակայքից ծխարձակիչ պայթուցիկներ նետեցին, որոնք սարսափելի աղմուկով ճայթեցին, ցուցարարների շրջանում խուճապ սկսվեց։Մարդիկ սկսեցին միմյանց տրորելով հետ գալ դեպի Բաղրամյան պողոտայի սկզբնամաս։ Վիրավոր երիտասարդներից մեկը, որին քաղաքացիները գրկած տեղափոխում էին, բղավում էր՝ «հետ չգաք, կմնաք մինչև վերջ»։
Ավելի ուշ, երբ Բաղրամյան պողոտայի վերջնամասում հայտնի դարձավ, որ վիրավորվել է նաև Նիկոլ Փաշինյանը, ցուցարարները սկսեցին առաջ շարժվել։ Այս պահին պողոտա է բերվել ջրցան մեքենա, և Ոստիկանությյունը պատրաստվում է սկսել հատուկ գործողությունները՝ ցուցարարներին Բաղրամյան պողոտայից հեռացնելու համար։
