16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
Պեսկովը հայտարարել է, թե «Կրեմլը մտահոգությամբ է հետևում ԱՄՆ-ի կողմից լարվածության աճին»
Քաղաքականություն
25.01.2022 | 14:23
Ռուսաստանի և ԱՄՆ-ի միջև հետագա բանակցությունների վերաբերյալ հստակություն կլինի այն բանից հետո, երբ ամերիկյան կողմից պատասխան կստացվի անվտանգության երաշխիքների վերաբերյալ Մոսկվայի առաջարկներին։ Մինչդեռ, Կրեմլը մտահոգությամբ է հետևում ԱՄՆ-ի կողմից լարվածության աճին, լրագրողների հետ զրույցում ասել է ՌԴ նախագահի խոսնակ Դմիտրի Պեսկովը, գրում է ՌԻԱ Նովոստին։
Պեսկովին հարցրել են՝ արդյո՞ք այն փաստը, որ ԱՄՆ-ը 8․500 զինվորականի մարտական բարձր պատրաստության վիճակի է բերել՝ Եվրոպայում տեղակայելու համար, ազդում է բանակցությունների ընթացքի վրա։
«Դա չի ազդում բանակցությունների ընթացքի վրա, բանակցությունները, ըստ էության, ավարտվել են ներկա փուլում: Մինչև հասկանալը, թե ինչպես և երբ ենք շարունակելու, մենք պետք է ստանանք այդ տխրահռչակ տեքստը: Հուսով ենք, որ դա կլինի այս շաբաթ»,- պատասխանել է Կրեմլի խոսնակը։
«Իսկ այն, որ ԱՄՆ-ի կողմից թե՛ տեղեկատվական առումով, թե՛ դե ֆակտո լարվածությունը սրվում է, երեկ շատ ենք խոսել այդ մասին, այստեղ ոչինչ չի փոխվում: Մենք մեծ մտահոգությամբ ենք հետևում Միացյալ Նահանգների գործողություններին»,- հայտարարել է Պեսկովը։
Տաթև Ֆռանգյան
