22.08.2026 | 10:01
ՀՀ տարածքում ավտոճանապարհներն անցանելի են
Փաշինյանը փորձում է հիմնավորել Արցախի ադրբեջանական լինելը. Տիգրան Աբրահամյան․ ՏԵՍԱՆՅՈՒԹ
Քաղաքականություն
25.01.2022 | 12:06
«Նիկոլ Փաշինյանը փորձում է հիմնավորել Արցախի ադրբեջանական լինելը»,- այս մասին լրագրողների հետ հանդիպմանը հայտարարեց «Պատիվ ունեմ» խմբակցության պատգամավոր Տիգրան Աբրահամյանը:
Նա խոսքով` Նիկոլ Փաշինյանի բոլոր հայտարարությունների հիմքում այդ գործոնն է դրված. «Այն, ինչ ներկայացնում է Նիկոլ Փաշինյանը, դրանք կա՛մ աղճատված են, կա՛մ չեն համապատասխանում իրականությանը:
Օրինակ՝ հղում է անում Մադրիդյան փաստաթղթին ու ասում է, որ դրա հիմքում եղել է տարածքային ամբողջականության սկզբունքը, մինչդեռ Մադրիդյան փաստաթղթի հիմքում եղել է երեք սկզբունք`տարածքային ամբողջականություն, ժողովուրդների ինքնորոշման իրավունք ու ուժի սպառնալիքի չկիրառում, այսինքն` ցանկացած մոտեցում ներկայացվում է աղճատված», – նշեց պատգամավորը:
Աբրահամյանի խոսքով` Նիկոլ Փաշինյանի հայտարարությունների հիմքում դրված է Արցախը հանձնելու գործընթացի մարսման ու հանրության կողմից իր անձն անխոցելի դարձնելու միտումը:
Մանրամասները՝ տեսանյութում:
