17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Թուրքիայի իշխող դաշինքին հանրային աջակցությունը բավարար չէ Էրդողանի՝ նախագահ վերընտրվելու համար․ սոցհարցում
Քաղաքականություն
24.01.2022 | 23:08
Թուրքիայի նախագահ Ռեջեփ Թայիփ Էրդողանի իշխող դաշինքը, ըստ Istanbul Econimics Research-ի, չի կարող բավարար քանակությամբ ձայներ հավաքել նախագահական ընտրություններում հաղթելու համար, եթե դրանք կայանան հունվարին, գրում են թուրքական լրատվամիջոցները։
Հարցման համաձայն՝ Ժողովուրդների դաշինքը, որը ներառում է իշխող «Արդարություն և զարգացում» կուսակցությունը և աջ ծայրահեղական «Ազգայնական շարժում» կուսակցությունը, կհավաքեր ձայների 40,5 տոկոսը, եթե ընտրություններն անցկացվեին հունվարին։ Այս թիվը չի բավարարում Էրդողանին նախագահի պաշտոնում ընտրվելու համար, քանի որ անհրաժեշտ է 50+1 ձայն։ Ի դեպ, 2018 թվականի ընտրություններում Էրդողանը ստացել է ձայների 52 տոկոսը՝ հենց MHP կուսակցության աջակցության շնորհիվ։
Մինչ իշխող դաշինքի ձայները կազմում են 40,5 տոկոս, գլխավոր ընդդիմադիր Ժողովրդահանրապետական, նրա դաշնակից ազգայնական «Լավ» և քրդամետ Ժողովուրդների դեմոկրատական կուսակցությունները կհավաքեն, համապատասխանաբար, 25, 15 և 9 տոկոս ձայն։
Ըստ հարցման՝ նախագահական ընտրություններում Էրդողանի համազգային աջակցությունը կկազմի 37․5-ից 40 տոկոս։
Բացի այդ, սոցհարցման մասնակիցներին հարցրել են Թուրքիայի ներկա իրավիճակի մասին, ինչին ի պատասխան՝ հարցվածների 49 տոկոսն ասել է, որ անհանգստացած է։
Էմմա Չոբանյան
