12.01.2025 | 13:20
Երկրաշարժ՝ Վրաստանում
Ռուբլին կտրուկ արժեզրկվել է
Քաղաքականություն
24.01.2022 | 20:17
Երկուշաբթի առավոտյան ռուսական ֆոնդային շուկան կրկին սկսել է անկում գրանցել, իսկ ռուբլին դոլարի նկատմամբ առավելագույնս էժանացել է 2020 թվականի աշնանից ի վեր։ Ռուսաստանի բանկը սրան արձագանքել է՝ կասեցնելով արտարժույթի գնումը։
Այս ամենը տեղի է ունենում ՆԱՏՕ-ի՝ Արևելյան Եվրոպայում ուժեղացված ներկայության մասին հայտարարությունների ֆոնին՝ ի պատասխան Ուկրաինա ռուսական ներխուժման սպառնալիքի, գրում է BBC-ի ռուսական ծառայությունը:
Դոլարի փոխարժեքը 2020 թվականի նոյեմբերից ի վեր առաջին անգամ բարձրացել է 79 ռուբլուց, իսկ եվրոյի փոխարժեքը հուլիսի 20-ից ի վեր առաջին անգամ գերազանցել է 89 ռուբլին։
Էժանանում են նաև ռուսական խոշորագույն ընկերությունների բաժնետոմսերը․ Սբերբանկի արժեթղթերն արժեզրկվել են մինչև 6,8%-ով, Նորիլսկի նիկելինը՝ 5,4%-ով, Գազպրոմինը՝ 8,2%-ով։
Ռուսական ֆոնդային շուկայի նախորդ խոշոր անկումը տեղի էր ունեցել հունվարի 18-ին. այդ օրն այն գրանցեց ամենալուրջ անկումը 2020 թվականի մարտից ի վեր և կորցրեց նախորդ տարվա ողջ աճը: Աշնանը դրան նախորդել են Ռուսաստանի և ԱՄՆ-ի ու ՆԱՏՕ-ի միջև Եվրոպայում անվտանգության կառույցի շուրջ բանակցությունները, որոնք ոչ մի արդյունք չեն տվել։
Տաթև Ֆռանգյան
