16.09.2026 | 20:19
Անկախության տոնի առթիվ Երևանում նախատեսվում են երթևեկության սահմանափակումներ
Հայտնի են գնդակային հրաձգության Հայաստանի չեմպիոնները
24.01.2022 | 18:06
Հունվարի 21-ից 23-ը տեղի է ունեցել գնդակային հրաձգության ՀՀ մեծահասակների առաջնությունը։ Մրցմանը ներկա են գտնվել ԿԳՄՍ փոխնախարար Կարեն Գիլոյանը, Հայաստանի հրաձգության ֆեդերացիայի նախագահ Արթուր Հովհաննիսյանը, պաշտոնատար այլ անձինք. տեղեկացնում են ՀՀ ԿԳՄՍՆ-ից:
Առաջնությանը 65 մարզիկ է մասնակցել Երևանի հրաձգության ՄՊՄԴ-ից, Հրաձգության հանրապետական մարզադպրոցից, Գյումրիի մարզադպրոցից և Վանաձորի թիմից:
Օդամղիչ հրացան, 60 կրակոց վարժության տղաների պայքարում հաղթող է ճանաչվել Նարեկ Ադամյանը, իսկ նույն վարժության աղջիկների պայքարում՝ Միլենա Պողոսյանը: Օդամղիչ ատրճանակ, 60 կրակոց վարժության տղաների պայքարում ոսկե մեդալը նվաճել է Սևակ Արշակյանը, իսկ աղջիկների պայքարում՝ Էլմիրա Կարապետյանը: Վազող թիրախ, նորմալ վազք վարժության տղաների պայքարում առաջին հորիզոնականը զբաղեցրել է Գոռ Խաչատրյանը, իսկ աղջիկների պայքարում՝ Լիլիթ Մկրտչյանը:
Առաջնության արդյունքներով Տիգրան Մանուկյանը լրացրել է ՀՀ սպորտի վարպետի, Գևորգ Մելքոնյանն ու Միլենա Միասարյանը՝ ՀՀ սպորտի վարպետի թեկնածուի, իսկ Գոռ Մանուչարյանը՝ ՀՀ 1-ին կարգերը:
Մրցանակային տեղեր զբաղեցրած մարզիկները պարգևատրվել են դիպլոմներով և դրամական մրցանակներով: Հաղթող մարզիկների անձնական մարզիչները նույնպես ստացել են դրամական պարգևներ։
Առաջնության արդյունքներով ձևավորվել է նաև հրաձգության Հայաստանի հավաքականը։ Հրաձիգները փետրվարի 22-ից Կահիրեում մասնակցելու են աշխարհի գավաթի խաղարկությանը, իսկ մարտի 18-28-ը Օսլոյում՝ Եվրոպայի առաջնությանը:
