29.06.2026 | 09:53
ՀՀ տարածքում ավտոճանապարհներն անցանելի են
Բուրկինա Ֆասոյի նախագահը ձերբակալվել է ապստամբների կողմից
Քաղաքականություն
24.01.2022 | 14:45
Բուրկինա Ֆասոյի նախագահ Ռոկե Մարկ Քրիստիան Կաբորեին զինվորականները ձերբակալել են և պահում են զինվորական բազաներից մեկում։ Այս մասին հայտնում է Reuters գործակալությունը՝ վկայակոչելով անվտանգության ծառայություններում երկու աղբյուրների և մեկ դիվանագետի։
Ենթադրվում է, որ Կաբորին ձերբակալել են մայրաքաղաք Ուագադուգուի իր նստավայրի մոտ տեղի ունեցած փոխհրաձգությունից հետո։
RFI-ի հաղորդմամբ՝ Բուրկինա Ֆասոն այժմ անորոշության մեջ է։ Ապստամբները հանդես են եկել վեց կետից բաղկացած պահանջներով, այդ թվում՝ ռազմական հրամանատարության ամբողջական փոփոխության։
Ավելի վաղ հայտնի էր դարձել, որ Բուրկինա Ֆասոյի նախագահի ընտանիքը լքել է երկիրը ռազմական ապստամբության մասին լուրերի ֆոնին։ Ինքը՝ Կաբորեն, գտնվում էր ժանդարմերիայի ուժերի պաշտպանության տակ։
Բուրկինա Ֆասոյի իշխանությունները հունվարի 11-ին հայտարարեցին, որ ձերբակալել են մի խումբ զինվորականների, որոնք կասկածվում են երկրում իշխանության զավթման փորձի մեջ: Խումբը ղեկավարում են երիտասարդ սպաները։ Անցած մի քանի ամիսների ընթացքում նախագահ Կաբորեն մի շարք լուրջ վերադասավորումներ է կատարել երկրի զինված ուժերի հրամանատարության կազմում:
Տաթև Ֆռանգյան
