16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ավստրիան նախատեսում է տարհանել Կիևում իր դեսպանատան աշխատակիցներին
Քաղաքականություն
24.01.2022 | 16:10
Ավստրիայի ԱԳՆ ղեկավար Ալեքսանդր Շալենբերգը հայտնել է, որ Վիեննան նախատեսում է տարհանել Կիևում դեսպանատան աշխատակիցներին, սակայն վերջնական որոշում դեռ չի կայացվել։ Այս մասին հայտնում է «Գազետա»-ն։
«Իհարկե, մենք Կիևում մեր դեսպանատունը տարհանելու ծրագրեր ունենք, բայց այս պահին դրանք դեռ չենք իրականացրել, քանի որ հենց հիմա մեզ անհրաժեշտ է ամբողջ ուժով վերահսկել այնտեղ տիրող իրավիճակը»,- ասել է նա։
Նախարարը հավելել է, որ Վիեննան կգնա նման քայլի, եթե Ուկրաինայում փոխվի սպառնալիքը կամ անվտանգային իրավիճակը։
Հիշեցնենք, որ ԱՄՆ-ն և Մեծ Բրիտանիան թույլատրել են իրենց դիվանագիտական ներկայացուցչությունների աշխատակիցներին հեռանալ Ուկրաինայից։
Տաթև Ֆռանգյան
