17.12.2025 | 12:54
Դատարանը ՊՍԺ-ին պարտավորեցրել է 61 միլիոն եվրո վճարել Մբապեին
Վրաստանի Բախմարո գյուղում ձյան շերտի բարձրությունը հասել է 4 մետրի․ ԼՈՒՍԱՆԿԱՐՆԵՐ
Քաղաքականություն
24.01.2022 | 14:54
Վրաստանի Գուրիայի շրջանի Բախմարո լեռնային գյուղում այնքան շատ ձյուն է տեղացել, որ ձնակույտերի բարձրությունը հասել է մոտ 4 մետրի։ Այս մասին հայտնում են տեղի բնակիչները Facebook սոցիալական ցանցում։
Հրապարակված լուսանկարներում ձյան շերտը փակել է բնակելի շենքերի դռներն ու պատուհանները։ Սոցցանցում ստեղծված «Բախմարո» խմբում քաղաքացիներն իշխանություններից պահանջում են մաքրել ձյունը։ Ոմանք դժգոհում են, որ ձյունը վնասել է ճակատային շքամուտքերը և շրջակա ենթակառուցվածքները։
Ձյան առատ տեղումների պատճառով վերջին շրջանում էլեկտրամատակարարման հետ կապված խնդիրներ են առաջացել շրջանի բոլոր բնակավայրերում՝ Օզուրգեթիում, Լանչխութիում և Չոխաթաուրիում։ Բնակչության մի մասի էլեկտրամատակարարումն արդեն վերսկսվել է։
Energo-pro Georgia ընկերության տվյալներով՝ մնացյալ բաժանորդների էլեկտրամատակարարումը շուտով կվերականգնվի։
Տաթև Ֆռանգյան
