29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Մեծ Բրիտանիան սկսում է իր դեսպանատան աշխատակիցների դուրսբերումն Ուկրաինայից՝ ՌԴ-ի ռազմական ներխուժման վտանգի ֆոնին․ Independent
Քաղաքականություն
24.01.2022 | 13:08
Մեծ Բրիտանիան Ուկրաինայում իր դեսպանատնից հետ է կանչում աշխատակիցների մի մասին՝ երկրում աճող լարվածության ֆոնին, գրում է Independent-ը:
Արտաքին գործերի, համագործակցության և զարգացման գրասենյակը (FCDO) հաստատել է, որ Կիևում որոշ աշխատակիցներ և նրանց ընտանիքները կսկսեն դուրս գալ երկրից՝ Ռուսաստանի կողմից աճող սպառնալիքի ֆոնին: Դեսպանությունը կմնա բաց և կշարունակի կատարել իր գործառույթները, հավելել են FCDO-ում։
Մեծ Բրիտանիան նման քայլի է դիմել ԱՄՆ-ի նմանատիպ որոշումից հետո, որով հրահանգվում է Կիևում դեսպանատան ոչ հիմնական անձնակազմին և նրանց ընտանիքներին լքել երկիրը՝ պատերազմական լարվածության աճի պայմաններում:
Վկայակոչելով խնդրին ծանոթ բազմաթիվ աղբյուրների՝ CNN-ը հայտնում է, որ դիվանագետներն ու նրանց ընտանիքների անդամներն կսկսեն մեկնել շուտով, իսկ հայտարարությունը կլինի մի քանի օրից: Նմանատիպ հրապարակում է արել նաև Bloomberg-ը։
Տաթև Ֆռանգյան
