29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Սիրիայում քրդերը կարողացել են 89 ահաբեկչի ձերբակալել, որոնք փախել են բանտից
Քաղաքականություն
21.01.2022 | 18:32
«Սիրիայի Դեմոկրատական ուժեր» քրդական խմբավորման մարտիկները կարողացել են 89 ահաբեկչի ձերբակալել, որոնք փախել են Հասեկե քաղաքի բանտից։ Այս մասին գրում է ՏԱՍՍ-ը՝ վկայակոչելով Firat գործակալությունը։
Աղբյուրի համաձայն՝ խմբավորման ստորաբաժանումները շարունակում են մաքրել քաղաքի հարավային թաղամասերը, որտեղ թաքնվում են «Իսլամական պետության» անդամները։
Նախօրեին քաղաք ներթափանցած ահաբեկիչները փորձել են գրոհով վերցնել այնտեղ գտնվող բանտը, որտեղ ավելի քան 3000 կալանավոր կա, այդ թվում՝ վարձկաններ, որոնք ԻԼԻՊ-ի կազմում մասնակցել են ռազմական գործողությունների։ Al Hadath հեռուստաալիքի փոխանցմամբ՝ զինյալները բանտարկյալների փախուստը դյուրացնելու նպատակով երկու ականապատ ավտոմեքենա են պայթեցրել հաստատության մուտքի մոտ։
Նշվում է, որ հարձակումը հետ մղելիս 23 քուրդ մարտիկ և 6 խաղաղ բնակիչ, որոնք ահաբեկիչներին դիմադրություն են ցույց տվել։ Քրդական խմբավորման հրամանատարությունը Հասեկե է ուղարկել էլիտար հատուկ ջոկատայինների, գործողությանը մասնակցել են նաև ԱՄՆ ռազմաօդային ուժերի անօդաչու թռչող սարքերը։
Քաղաքում իրավիճակը քրդական խմբավորման վերահսկողության տակ է։ Տեղեկություններ կան, սակայն, որ զինյալները պատանդ են վերցրել խաղաղ բնակիչներին և նրանց օգտագործում են որպես կենդանի վահան։
Էմմա Չոբանյան
