29.07.2026 | 13:34
Փոխվարչապետ Տիգրան Խաչատրյանը հրաժեշտի հանդիպում է ունեցել Ֆրանսիայի դեսպանի հետ
Փաշինյանի որոշմամբ՝ Սիսիան Պօղոսեանը նշանակվել է ՀՀ զբոսաշրջության կոմիտեի նախագահ
Քաղաքականություն
21.01.2022 | 11:33
ՀՀ վարչապետ Նիկոլ Փաշինյանը որոշում է ստորագրել Սիսիան Պօղոսեանին Զբոսաշրջության կոմիտեի նախագահ նշանակելու մասին:
«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝
Սիսիան Պօղոսեանին նշանակել զբոսաշրջության կոմիտեի նախագահ»,- ասված է վարչապետի որոշման մեջ:
Զբոսաշրջության կոմիտեն մանրամասներ է հրապարակել Պօղոսեանի կենսագրությունից։
Սիսիան Պօղոսեանն ունի Բիզնեսի կառավարման մագիստրոսի կոչում Տորոնտոյի Շուլիչ բիզնես դպրոցից՝ Մարքեթինգ և կազմակերպական վարքագիծ մասնագիտացմամբ: 15 տարվա աշխատանքային կարիերայի ընթացքում՝ Սիսիանը տարիներ աշխատել է սպառողական էլեկտրոնիկայի ոլորտում, հիմնականում աշխատանքային գործունեություն ծավալելով արտադրանքի կառավարման եւ մարքեթինգի ասպարեզում:
2019 թվականին թողել է աշխատանքային կարիերան Կանադայում՝ ճամփորդելու և աշխատելու Հայաստանում Birthright Armenia-ի միջոցով։ Աշխատել է Հայաստանի ամերիկյան համալսարանում (AUA) և Հայաստանի ֆուտբոլի ֆեդերացիայում (FFA)։
Վերջին երկու տարիներին Տորոնտոյում զբաղվել է անհատ ձեռնարկատիրությամբ, բայց որոշել է գալ Հայաստան «իԳործ» ծրագրի շրջանակներում:
