29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Կրեմլում չեն բացառել Բայդենի և Պուտինի նոր շփումը
Քաղաքականություն
20.01.2022 | 15:00
ՌԴ-ի և ԱՄՆ-ի նախագահներ Վլադիմիր Պուտինի և Ջո Բայդենի շփումը չի բացառվում․ այն օգտակար է երկու երկրների համար էլ։ Այսօր լրագրողների հետ զրույցում այս մասին հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՌԻԱ Նովոստին։
«Մենք ևս չենք բացառում նախագահների հերթական շփումը։ Կարծում ենք, որ ամեն դեպքում նման շփումը կարելի է միայն ողջունել, այն օգտակար է երկու երկրների համար»,- ասել է Պեսկովը։
Հարցին՝ արդյո՞ք կապ կա հաջորդ երկկողմ հանդիպման և անվտանգության երաշխիքների նոր խորհրդատվությունների միջև, Պեսկովը պատասխանել է, որ անվտանգության երաշխիքների մասին ԱՄՆ-ի պատասխանից հետո ըմբռնում կլինի, երբ երկու երկրների նախագահները կորոշեն անձամբ ներգրավվել։
«Նախագահներն իրենք են որոշում իրենց շփումների մասին, և երբ ամերիկյան կողմի պատասխանի հետ կապված իրավիճակը պարզվի, այդ ժամանակ արդեն հասկանալի կլինի, թե որ փուլում նախագահները կորոշեն միանալ երկխոսության շարունակմանը»,- ասել է Դմիտրի Պեսկովը։
Էմմա Չոբանյան
