08.08.2026 | 10:30
Սևանա լճի մակարդակը հունվարի 1-ի համեմատ բարձր է 55 սմ-ով
Տոնոյանն առերեսվել է 1 անձի՝ նախարարի նախկին տեղակալի հետ․ ցուցմունքն ի նպաստ մեզ է եղել․ պաշտպան. ՏԵՍԱՆՅՈՒԹ
Հասարակություն
19.01.2022 | 18:07
Նիստի ժամանակ միջնորդություն ներկայացվեց դռնբաց դատական նիստ անցկացնելու մասով, դատարանի կողմից որևէ կերպ չէր պատճառաբանվում՝ ինչու պետք է դռնփակ անցկացվի, հատկապես այս նիստը, երբ որևէ պետական գաղտնիք չէր քննարկվելու, զուտ խափանման միջոցի հարցն էր քննարկվելու: Այս մասին այսօր լրագրողների հետ զրույցում նշեց պաշտպանության նախկին նախարար Դավիթ Տոնոյանի փաստաբան Սերգեյ Հովհաննիսյանը:
Նրա խոսքով՝ ընդամենը մեկ առերեսում է եղել Դավիթ Տոնոյանի մասնակցությամբ՝ նախարարի նախկին տեղակալ Մակար Ղամբարյանի հետ. «Այդ առերեսումով ձեռք են բերվել միայն այնպիսի տվյալներ, որոնք կարևոր են և կարող են պաշտպանական կողմի համար բարենպաստ հետևանքներ ունենալ: Մեղադրանքը հերքող ապացույց էր դա»:
Պաշտպանը հայտարարեց, որ հրթիռները անպիտան չեն եղել, նաև գործով կա փաստաթուղթ, որ դրանք ժամկետի մեջ են. «Այնինչ վարույթ իրականացնող մարմինը այդ փաստաթղթին կարևորություն չի տալիս: Փոխարենը ավելի վաղ լույս տեսած փաստաթղթի վրա է հղում անում և նշում, որ հրթիռների պահպանության ժամկետներն անցած են: Բայց այդ երկու փաստաթղթերն էլ վերաբերելի չեն Հայաստանին, վերաբերում են արտադրող երկրին՝ ՌԴ-ին: Փաստորեն օտար երկրի իրավական փաստաթուղթը բերել ու փորձում են դրա հիման վրա մեղադրանք պաշտպանել: Դա նույնն է, որ ՌԴ քրեական օրենսգրքով մեղադրանք առաջադրվի»,-ասաց պաշտպանը:
Մանրամասները՝ տեսանյութում:
