24.03.2026 | 21:49
Ֆիլիպիններն էներգետիկ արտակարգ իրավիճակ է հայտարարել Իրանի պատերազմի պատճառով
Արցախը երբեք չի կարող լինել Ադրբեջանի կազմում. Դավիթ Բաբայան. ՏԵՍԱՆՅՈՒԹ
Քաղաքականություն
19.01.2022 | 12:11
«Սեղանին երկու հարց է՝ կարգավիճակ և սահմաններ՝ գումարած որոշ հումանիտար հարցեր, փախստականների վերադարձ»,- տարեկան ամփոփիչ ասուլիսում այս մասին նշեց Արցախի արտգործնախարար Դավիթ Բաբայանը՝ հիշեցնելով, որն ինքն էլ 1998 թվականից մասնակցել է բանակցային գործընթացին տարբեր կարգավիճակներով՝ ԱԳՆ աշխատակցից մինչև ԱԳՆ ղեկավար:
«Պաշտոնական Ստեփանակերտի մոտեցումը գրեթե չի փոխվել։ Սկզբում մենք ասում էինք, որ բացառվում է Արցախի ենթակայությունն Ադրբեջանին՝ որ կարգավիճակով էլ որ լինի»,- ընդգծեց նախարարը՝ հիշեցնելով, որ Ադրբեջանն ինքն էլ հրաժարվել է միասնական պետության առաջարկված գաղափարից:
«Մեզ համար կարմիր գիծը Ադրբեջանի կազմում գտնվելն է։ Արցախը երբեք չի կարող գտնվել Ադրբեջանի կազմում, եթե նման բան լինի, ուրեմն Արցախը չի լինի։
Մենք միշտ ասել ենք, որ հարցը պետք է կարգավորվի փաթեթային ձևով, այսինքն՝ բոլոր հարցերը կարգավովեն միաժամանակ: Ադրբեջանն առաջարկում էր փուլային տարբերակը։ Բայց նրանց փուլայինը տարբերվում էր մեր կողմից առաջարկված փուլային կարգավորման որոշ բաղադրիչներից։ Նրանք որպես առաջին քայլ շրջաններ էին ուզում, մենք ասում էինք՝ եկեք սկսենք մեր անկախության ճանաչումից։ Դրան չգանցին:
Ինչ վերաբերում է փախստականների հարցին, ապա այստեղ էլ պատկերացումն անփոփոխ է։ Մենք երբեք չենք հրաժարվել քննարկել այդ հարցը։ Բայց առանց քաղաքական հարցերի լուծման այդ մասին խոսք չի կարող լինել: Սկզբում պետք է կարգավորվեն կարգավիճակի և սահմանների հարցերը։ Եթե փախստականները վերադառնում են, ճանաչո՞ւմ են նրանք արդյոք Արցախի Հանրապետությունը։ Եվ վերադարձը կարող է լինել միայն հայելային, այսինքն՝ հայերը վերադառնում են Բաքու, Սումգայիթ, Կիրովաբադ, այլապես չենք կարող միակողմանի քննարկել։ Բայց Ադրբեջանը չի ցանկանում, որ հայ փախստականները վերադառնան։ Եվ ադրբեջանցի փախստականների վերադարձն էլ Ադրբեջանի իշխանությունները ցանկանում են ոչ նրա համար, որ հարգում են մարդկանց զգացմունքները, այլ որպեսզի փորձեն ժողովրդագրական առումով կլանել Արցախը»,- նշեց Դավիթ Բաբայանը։
Մանրամասները՝ տեսանյութում:
