27.10.2026 | 00:08
Վարդան Մինասյանն աշխատանքի է անցել Լիբանանում
Մարդկանց նպաստ էիք տալիս, խեղճացնում էիք, իսկ մենք փորձում ենք հզորացնել. Քերոբյանը՝ ընդդիմությանը. ՏԵՍԱՆՅՈՒԹ
Քաղաքականություն
19.01.2022 | 11:56
«Խոսելով նպաստ ստացող մարդկանց մասին, ճիշտ նշանակետին եք խփում, որովհետև մենք մարդկանց տալիս ենք «ձուկ ոչ թե կարթ»»,- այս մասին ԱԺ-ում նշեց ՀՀ Էկոնոմիկայի նախարար Վահան Քերոբյանը՝ անդրադառնալով ընդդիմադիր պատգամավորների քննադատություններին:
«Կառավարությունն իր նախորդ մի քանի տարիների աշխատանքով և 2022-ին ևս շարունակում է մեծացնել ներդրումները մարդկային կապիտալի մեջ: Գիտեք դպրոցաշինության և մանկապարտեզաշինության խոշորամասշտաբ ենթակառուցվածքային ծրագրերի մասին, կրթության և գիտության, ինչպես նաև առողջապահության մեջ տեղի ունեցող ֆինանսավորման էական աճի մասին:
Երբ որ ընտրություններից առաջ մարդկանց մի հատ «փոքր ձուկ» էիք տալիս և մարդկանց նստեցնում նպաստների վրա ու ստիպում մնալ խեղճ ու կրակ, դա հարցի մի լուծում է, բայց հիմա մենք փորձում ենք մարդկանց հզորացնել, տալ իրենց գիտելիք, առողջություն, որպեսզի իրենք կարողանան իրենց հարցերը լուծել: Այստեղ ենք մենք տեսնում մեր գլխավոր միսիան՝ մարդկանց ոչ թե շարունակաբար նպաստներ բաժանենք, այլ տանք եկամտի աղբյուրներ, տանք կրթություն, գիտություն, որպեսզի մարդիկ կարողանան իրենց աշխատանքով փող աշատել»:
Մանրամասները՝ տեսանյութում:
