19.11.2024 | 23:29
Ադրբեջանի Մեջլիսի պատգամավորը Ֆրանսիային է մեղադրել COP29-ի ընթացում ադրբեջանցիների կողմից բողոքի ակցիաների անցկացման համար
Ալիևը զանգահարել է Պուտինին
Քաղաքականություն
18.01.2022 | 19:11
ՌԴ նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ։ Կրեմլի պաշտոնական կայքի տարածած հաղորդագրության համաձայն՝ հեռախոսազրույցը տեղի է ունեցել ադրբեջանական կողմի նախաձեռնությամբ։
«Հաշվի առնելով Իլհամ Ալիևի՝ վերջերս Ուկրաինա կատարած այցը՝ քննարկվել է ներուկրաինական հակամարտության կարգավորման խնդիրը։ Վլադիմիր Պուտինը պատմել է ԱՄՆ-ի և նրա դաշնակիցների հետ կայացած շփումների մասին անվտանգության երաշխիքների տրամադրման մասով, որոնք ապահովում են Ռուսաստանի անվտանգությունը։ Ղազախստանում տեղի ունեցած վերջին իրադարձությունների մասով մտքերի փոխանակման ժամանակ գոհունակություն է հայտնվել, որ իրավիճակը հաջողվել է օպերատիվ կերպով կայունացնել, մասնավորապես, ՀԱՊԿ խաղաղապահ ուժերի ներկայության շնորհիվ»,- ասվում է հաղոդագրության մեջ։
Նշվում է, որ հաստատվել է ռուս-ադրբեջանական ռազմավարական գործընկերության հետագա ամրապնդման մտադրությունը։
Կրեմլի հաղորդագրության մեջ չի նշվում՝ արդյո՞ք քննարկում եղել է Արցախի հարցի կամ հայ-ադրբեջանական սահմանային իրավիճակի շուրջ։
Էմմա Չոբանյան
