17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Իրանում պրոֆեսիոնալ բռնցքամարտիկը մահապատժի է դատապարտվել՝ բողոքի ցույցերի մասնակցելու համար
Քաղաքականություն
18.01.2022 | 21:33
Իրանում դատարանը մահապատժի է դատապարտել պրոֆեսիոնալ բռնցքամարտիկ Մոհամմադ Ջավադ Վաֆայ-Սանիին՝ 2019 թվականին երկրում բողոքի ցույցերին մասնակցելու համար։ Այս մասին հայտնում է ԱՄՆ-ում գործող իրանական «Centre for Human Rights in Iran» կազմակերպությունը (CHRI):
Հաղորդագրությունը Twitter-ում հաստատել է մարզիկի փաստաբան Բաբակ Պաքնիան։
Իրանում բողոքի ցույցերն անցկացվել են 2019 թվականի նոյեմբերին՝ երկրում վառելիքի գների կտրուկ աճի պատճառով։ Բռնցքամարտիկը ձերբակալվել է 2020 թվականի փետրվարին։
«Մոհամմադ Ջավադ Վաֆայ-Սանին մահապատժի է դատապարտվել «ծանր հանցագործության համար»՝ 2019 թվականին բռնությամբ ճնշված բողոքի ցույցերի ժամանակ կառավարական շենքերին վնաս հասցնելու ու հրկիզելու հետ կապված»,- հայտնում է կազմակերպությունը:
Փաստաբանը պարզաբանել է, որ 26-ամյա մարզիկը դատապարտվել է կախաղանի միջոցով մահապատժի, սակայն պատիժը կարող է բողոքարկվել երկրի Գերագույն դատարանում։
Տաթև Ֆռանգյան
