17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Թուրքիան համարում է,որ ՀՀ-ն թույլ վիճակում է և մտնում է գործընթացի մեջ՝ առավելագույնը ստանալու համար. ՏԵՍԱՆՅՈւԹ
Քաղաքականություն
17.01.2022 | 19:27
«Չի արվում որևէ քայլը, որը ցույց կտա, որ ՀՀ-ն գնում է իր անվտանգային համակարգի վերականգնմանը»,- այս մասին Factor.am- ի հետ զրույցում նշեց «Պատիվ ունեմ» խմբակցության պատգամավոր Տիգրան Սբրահամյանը:
Անդրադառնալով հայ-թուրքական հարաբերությունների կարգավորման գործընթացին՝ պատգամավորը նշեց. «Պատկերացրեք մի իրավիճակ, երբ մարդու ոտք ու ձեռքը կտրել են, ունի արյունահոսող վերքեր, և մեկ տարի հետո իրեն այդ հարվածները հասցնողի հետ գնում է բանակցությունների: Արդյո՞ք դրա հիմքում կարող է լինել խաղաղությունը, արդյո՞ք կարող է լինել անկեղծությունը, և արդյո՞ք այդ պայմաններում կարելի է պահպանել հանգստությունը:
Թուրքիան ոչ միայն քաղաքական, դիվանագիտական ու քարոզչական առումով, այլ նաև ռազմական առումով միջամտություն է ունեցել պատերազմում Հայաստանին հարվածներ հասցնելուն, և այս պարագայում ակնկալել, որ հիմա Թուրքիայի հետ կարելի է վարել երկու կողմի համար բարենպաստ բանակցություններ, ուղղակի հնարավոր չէ»:
«Թուրքիան համարում է, որ ՀՀ-ն թույլ վիճակում է և մտնում է գործընթացի մեջ՝ առավելագույնը ստանալու համար»,- ընդգծեց Աբրահամյանը:
Մանրամասները՝ տեսանյութում:
