08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ադրբեջանական զինուժն այսօր 3 անգամ գնդագոծել է Բաղանիսը. փակ է միջպետական ավտոճանապարհի Բաղանիս-Ոսկեպար հատվածը
Քաղաքականություն
15.04.2018 | 18:33
Այսօր՝ ապրիլի 15-ին՝ ժամը 14:20-ի սահմաններում, ադրբեջանական զինուժը հրաձգային զենքերից կրակ է բացել Տավուշի մարզի Նոյեմբերյանի տարածաշրջանի սահմանամերձ Բաղանիս գյուղի վրա:
Մեկ ժամ անց՝ 15:20-ին , ապա՝ 15:30-ին ադրբեջանական զինուժը ընդհատումներով նորից է կրակ բացել Բաղանիսի վրա: Տուժածների և վնասների մասին տեղեկություններ չկան:
Բաղանիս գյուղի բնակիչները պարբերաբար լսում են սահմանագոտում գնդակոծության ձայներ, ըստ ամենայնի , փոխհրաձգություն է տեղի ունենում հայկական պաշտպանական դիրքերի և ադրբեջանական հենակետերի միջև:
Բաղանիսը պարբերաբար գնդակոծվում է Ղազախի շրջանի ադրբեջանական հենակետերից: Ապրիլի 9-ին Բաղանիսի սահմանամերձ «Ջրովքեր» տեղամասում ադրբեջանական գնդակոծության հետևանքով սատկել է Բաղանիսի բնակիչ Սուրիկ Ալեքսանյանի 3 կովը, վիրավորվել են բաղանիսցիներ Անուշավան Ավագյանի մոզին և Ալբերտ Միքայելյանի կովը: Ապրիլի 12-ին Բաղանիսի սահմանագոտում, միջպետական ավտոճանապարհին, ադրբեջանական գնդակոծությունից վնասվել էր «Սպայկա» ընկերության մեծ բեռնատարը, վարորդը, բարեբախտաբար չէր տուժել: Վերջին տարիներին ադրբեջանական զինուժը սահմանի այդ հատվածում նոր, հայկական տարածքին ավելի մոտ հենակետեր է կառուցել, որոնցից ավելի խոցելի են դարձել Բաղանիսի տարածքը և միջպետական ավտոճանապարհի Բաղանիս-Ոսկեպար հիմնական, սահմանագոտով ձգվող ճանապարհը: Բ
աղանիսի վարչական ղեկավար Նարեկ Սահակյանը Factor.am-ին հայտնեց, որ անվտանգության նկատառումներով ներկայումս փակ է միջպետական ավտոճանապարհի Բաղանիս-Ոսկեպար հատվածը, ավտոմեքենաների երթևեկը կատարվում է Բաղանիս-Ոսկեպար շրջանցիկ, Հարսնաքարով ձգվող ճանապարհով:
Ոսկան Սարգսյան
