10.02.2026 | 16:30
ԱԺ-ում հայտարարությունների ժամ է. ՈՒՂԻՂ
Ճանապարհային ոստիկաններն ու Իջևանի բաժնի ծառայողները գողացված համարանիշ են հայտնաբերել
Հասարակություն
17.01.2022 | 17:56
Հունվարի 14-ին Իջևանում ՃՈ 2-րդ սպայական գումարտակի 4-րդ վաշտի ծառայողները ստուգման նպատակով կանգնեցրել են Վարդենիսի 30-ամյա բնակչի վարած «ԲՄՎ» մակնիշի ավտոմեքենան։ Վարորդը և ուղևորները կասկածանքով բերման են ենթարկվել ոստիկանության Իջևանի բաժին։ Զննությամբ մեքենայի բեռնախցիկում հայտնաբերվել են համարանիշեր. տեղեկացնում են ՀՀ ոստիկանությունից:
Իջևանի ոստիկանների ձեռնարկած միջոցառումներով պարզվել է, որ համարանիշերից մի զույգը գողացված է։ Դեպքը տեղի է ունեցել անցած տարվա օգոստոսին՝ մայրաքաղաքի Չարենցի փողոցում։ Համարանիշերը գողացվել էին կայանված «ԲՄՎ» մակնիշի մեքենայից։ Փաստի առթիվ Կենտրոն և Նորք-Մարաշ վարչական շրջանների քննչական բաժնում հարուցվել էր քրեական գործ։
Բերման ենթարկվածների մեքենան կնիքվել և գտնվում է Իջևանի բաժնի պահպանվող հատուկ տարածքում։
Հանգամանքները պարզվում են:
