06.10.2026 | 14:32
Ստամբուլի դպրոցներից մեկում դանակով հարձակման դեպք է տեղի ունեցել․ 8 աշակերտ վիրավորվել է․ ՏԵՍԱՆՅՈՒԹ
Վերապատրաստումները նախարարի կողմից կհավաստագրվեն․ ինչ փոփոխություններ են առաջարկում ՔՊ պատգամավորները. ՏԵՍԱՆՅՈՒԹ
Քաղաքականություն
17.01.2022 | 15:42
Ազգային ժողովը քննարկում է «Կրթության մասին» օրենքում լրացումներ կատարելու մասին օրենքի նախագիծն առաջին ընթերցմամբ ընդունելու հարցը: Խոսքը վերաբերում է ոչ ֆորմալ և ինֆորմալ ճանապարհով անձի ձեռք բերած գիտելիքները, կարողությունները ճանաչելուն:
«Այսօր էլ մեր օգնականները, պետծառայողները կամ ցանկացած այլ ոլորտի աշխատողներ երբեմն անցնում են վերապատրաստումներ, դասընթացներ, բայց դրանք որևէ տեղ իրավական փաստաթղթով չեն արձանագրվում: Մեծ հաշվով, չկա կարգավորում, թե, օրինակ, որ կազմակերպությունները կարող են անցկացնել վերապատրաստման դասընթացներ, ինչ ծրագրով, ով է երաշխավորելու այդ ծրագիրը»,- նշեց նախագծի համահեղինակ, «Քաղաքացիական պայմանագիր» խմբակցության անդամ Սիսակ Գաբրիելյանը:
«Բացակայում է նաև միասնական վկայականի տրամադրումը: Այսինքն՝ նախագծով կլինի ազգային ռեեստր, որը կկարգավորի այս ամբողջ գործընթացը: Պետությունը և գործատուն կարող են տեսնել, թե մենք այս կամ այն մասնագետության տիրապետող որքան անձ ունենք, գործատուն էլ այդ հարթակում տեսնելու է, որ կան համապատասխան լիցենզավորված ու երաշխավորված ծրագրերով կազմակերպություններ, որոնք պատրաստում են այդ կոմպետենցիայի անձնավորությունների:
Կարող է դիմել և իր աշխատակիցներն այդտեղ վերապատրաստում անցնեն: Աշխատողն էլ իր կարողությունները կարող է ճանաչել պետության կողմից»,- նշեց Գաբրիելյանը:
Մանրամասները՝ տեսանյութում:
