24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Երբ Թուրքիայի հետ հարաբերություն կարգավորվի, Ցեղասպանության ճանաչման հարցում հնարավոր է առաջընթաց. Խաչատուր Սուքիասյան. ՏԵՍԱՆՅՈՒԹ
Քաղաքականություն
17.01.2022 | 15:25
Ես 4-րդ անգամ եմ ԱԺ-ում հայտնվում, ես այսպիսի խմբակցություն չեմ տեսել: Այս մասին այսօր՝ հունվարի 17-ին, ԱԺ-ում լրագրողների հետ զրույցում նշեց ԱԺ ՔՊ խմբակցության պատգամավոր, հայտնի գործարար Խաչատուր Սուքիասյանը՝ անդրադառնալով ՔՊ խմբակցությանը:
«Ժամանակ առ ժամանակ վարչապետը խմբակցության հետ հանդիպում է, ներկայացնում է իր արած գործերը, իր հանդիպումների մասին:
Սուքիասյանը հավելեց, որ Ալիևի հետ հանդիպումների, բանակցությունների մասին նույնպես վարչապետը պատմել է. «Ինձ շատ դուր եկավ, որ Նիկոլ Փաշինյանը ներկայացրեց ընդհանուր իրավիճակը, և թույլ տվեց, որ պատգամավորներն իրենք էլ մտածեն, թե ինչ հնարավոր զարգացումներ կարող են լինել»:
Նա ընդգծեց, որ հայ-թուրքական բանակցությունների պայմանների մասին տեղյակ չէ, քանի որ խոսքը գաղտնի բանակցությունների մասին է. «Հայաստանի կողմից Ռուբեն Ռուբինյանն է, որը շատ լավ տիրապետում է, գրագետ, շատ ճկուն, տաղանդավոր երիտասարդ է… Ես կարծում եմ՝ Ռուբեն Ռուբինյանը կհաջողի»:
«Պետք է մեր հարևանների հետ հարաբերությունները կարգավորենք, այդ կարգավորման արդյունքում հնարավոր է Ցեղասպանության ճանաչման հարցում ավելի շատ առաջընթաց ունենանք, քան ոչ հարևանային հարաբերությունների դեպքում: Եթե հակամարտություն կա, այդ հարցն ավելի է բարդանում»,- ընդգծեց Սուքիասյանը՝ հավելելով, որ հասարակությունների հետ պետք է աշխատել, որ միմյանց նկատմամբ ատելություն չլինի:
Մանրամասները՝ տեսանյութում:
