09.06.2026 | 12:17
ՆԳ նախարարի տեղակալը` ընտրությունների օրը տեղի ունեցած միջադեպերի մասին․ ՏԵՍԱՆՅՈՒԹ
ՌԴ-ն և Բելառուսը կստուգեն Միութենական պետության արձագանքման ուժերը
Քաղաքականություն
17.01.2022 | 16:39
Բելառուսը Ռուսաստանի հետ միասին կանցկացնի Միութենական պետության ուժերի և արձագանքման միջոցների անսպասելի ստուգում։ Այս մասին հայտարարել է Բելառուսի Զինված ուժերի գլխավոր շտաբի պետի տեղակալ Պավել Մուրավեյկոն, գրում է «Բելտա»-ն։
Նրա խոսքով՝ Բելառուսի սահմանների մոտ ռազմական կոնտինգենտի կուտակումն անհանգստություն է առաջացնում և պահանջում է օբյեկտիվ արձագանք։
«Այս արձագանքը կլինի միանգամայն համարժեք և թափանցիկ: Մեր ռուս գործընկերների հետ մենք կիրականացնենք միութենական պետության ուժերի և արձագանքման միջոցների հանկարծակի ստուգում: Այս միջոցառման վերջին փուլում տեղի կունենա զորավարժություն: Անվանումն արդեն հայտնի է՝ «Union Resolve-2022»»,- ասել է հրամանատարը։
Ավելի վաղ Բելառուսի նախագահ Ալեքսանդր Լուկաշենկոն հայտարարել էր փետրվարին հանրապետության արևմտյան և հարավային սահմաններին համատեղ զորավարժություններ անցկացնելու մասին։ Ըստ նրա՝ դրանք պետք է լինեն «սովորական վարժանքներ՝ այս ուժերի՝ Արևմուտքի (Բալթյան երկրներ և Լեհաստան) և հարավի (Ուկրաինա) հետ առճակատման համար որոշակի պլան մշակելու նպատակով»։
Տաթև Ֆռանգյան
