17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Արցախի գրավյալ տարածքում ադրբեջանցի զինծառայող է մահացել
Քաղաքականություն
17.01.2022 | 14:59
Արցախի Մարտունու շրջանի՝ ադրբեջանական վերահսկողության տակ գտնվող զորամասերից մեկում Ադրբեջանի ԶՈՒ զինծառայող է մահացել։
Նախօրեին սոցիալական ցանցերի ադրբեջանական տիրույթում ու լրատվամիջոցներում լուրեր էին տարածվում, որ N զորամասում զոհվել է Շեքիից զինծառայող Մամեդլի Ջավիդան Աբդուլազիզ օղլուն։ Տեղեկություններ էին տարածվում նաև, որ նա, իբր, զոհվել է հայկական կողմի դիպուկահարի կրակոցի հետևանքով։
Այսօր Ադրբեջանի ՊՆ-ն հաստատել է զինծառայողի մահվան լուրը՝ հայտնելով, որ հայկական կողմը կապ չունի դեպքի հետ։
«Հաստատում ենք ադրբեջանական բանակի ժամկետային զինծառայող Մամեդլի Ջավիդան Աբդուլազիզ օղլուի մահվան փաստը՝ զենքի հետ վարվելու կանոնների կոպիտ խախտման հետևանքով»,- ադրբեջանական լրատվամիջոցներին ասել են ՊՆ-ից։
Քրեական գործ է հարուցվել, քննություն է ընթանում։
Էմմա Չոբանյան
