16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ֆրանսիացի պատգամավորները դիմել են Մակրոնին՝ Ադրբեջանից ներողություն պահանջելու կոչով
Քաղաքականություն
17.01.2022 | 14:23
Ֆրանսիացի պատգամավորները դիմել են երկրի նախագահ Էմանուել Մակրոնին՝ քայլեր ձեռնարկելու նախագահի թեկնածու Վալերի Պեկրեսի հասցեին Ադրբեջանի նախագահ Իլհամ Ալիևի հնչեցրած սպառնալիքներին ի պատասխան։
Մասնավորապես, Ֆրանսիայի Սենատի «Հանրապետական» կուսակցության խմբակցության ղեկավար Բրունո Ռետայոն թվիթերյան իր էջում տեղեկացրել է, որ այդ հարցով դիմել են Մակրոնին ու հրապարակել դիմումը։
«Ադրբեջանի նախագահ Իլհամ Ալիևի՝ Վալերի Պեկրեսի հասցեին սպառնալիքներից հետո մենք կոչ ենք անում Էմանուել Մակրոնին՝ պահանջել Ադրբեջանից անհապաղ ներողություն խնդրել և քննարկել մեր դեսպանի հետկանչման հարցը»,- գրել է նա։
Հիշեցնենք, որ ավելի վաղ Ֆրանսիայի նախագահի թեկնածու Վալերի Պեկրեսն այցելել էր Արցախ։
Պեկրեսը ևս մեկնաբանել է Ալիևի սպառնալիքները՝ նշելով, որ նման սպառնալիքներն իրեն չեն վախեցնում, և զարմանք հայտնել, որ «ֆրանսիական դիվանագիտությունը լռում է»։
Հիշեցնենք՝ Ադրբեջանի նախագահ Իլհամ Ալիևը հայտարարել էր, որ եթե Բաքուն տեղյակ լիներ Պեկրեսի գլխավորած պատվիրակության Արցախ այցի մասին, ապա «միանշանակ չէին թողնի նրանց վերադառնալ»։
Էմմա Չոբանյան
