17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Գրիգորի Հայրապետովն առողջական խնդիրներ չուներ. Արթուր Վանեցյան. ՏԵՍԱՆՅՈՒԹ
Հասարակություն
17.01.2022 | 13:49
«Հավատացեք, եթե Գրիգորի Հայրապետովը ունենար տեղեկություններ, որի հրապարակմամբ օգուտ կտար ՀՀ-ին, նա այդ մասին կբարձրաձայներ»,- այսօր լրագրողների հետ զրույցում նշեց ԱԺ «Պատիվ ունեմ» խմբակցության ղեկավար, ԱԱԾ նախկին պետ Արթուր Վանեցյանը՝ անդրադառնալով Փաշինյան-Ալիև վերելակային հանդիպման միակ վկայի` Գրիգորի Հանրապետովի և նրա ունեցած կարևորագույն տեղեկությունների վերաբերյալ հարցին:
«Եթե տեխնիկապես նայենք, «վերելակային բանակցություն» կոչվածը մի քանի վայրկյանի հարց է: Ավելի մեծ գործընթացների մեջ պետք է դիտարկեք, երբ Փաշինյանը հայտարարում էր, որ Ալիևը կիրթ ու կառուցողական մարդու տպավորություն է թողնում, երբ Փաշինյանի իշխանության ներկայացուցիչները առիթը բաց չեն թողնում պրոադրբեջանական հայտարարություններ անելու…, Ադրբեջանի հասցեին մեղադրանքներ չեն հնչեցնում, այդ համատեքստում պետք է նայեք: «Վերելակային բանակցություն» կոչվածին ավելի լայն առումով պետք է նայել, մի նայեք, որ վերելակի մեջ իրար հետ ինչ- որ բան պայմանավորվեցին»,- նշեց Վանեցյանը:
Անդրադառնալով դիտարկմանը, որ շատերը Գրիգորի Հայրապետովի մահը խորհրդավոր են համարում, Վանեցյանը նշեց. «Ինձ համար նրա մահը ցավալի էր, նա իմ ընկերն էր, բացառիկ պորֆեսիոնալ, բացառիկ հայրենասեր մարդ»:
Վանեցյանը հավելեց, որ Գրիգորի Հայրապետովն առողջական խնդիրներ չուներ: Անդրադառնալով ճշտող հարցին՝ նրա մահն առողջական խնդիրների պատճառո՞վ չի վրա հասել, Վանեցյանը պատասխանեց. «Մահը վրա է հասել սրտի կաթվածի հետևանքով, բայց մինչ այդ ես, համենայնդեպս, չեմ իմացել, որ բողոքել է առողջական խնդրից»:
Հիշեցնենք` ԱԱԱԾ Պետական պահպանության ծառայության նախկին պետ Գրիգորի Հայրապետովը մահացել է 2022թ. հունվարի 1-ին:
Մանրամասները՝ տեսանյութում:
