17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Իրանի նախագահը կհանդիպի Պուտինին․ հայտնի է բանակցությունների օրակարգը
Քաղաքականություն
17.01.2022 | 14:50
Իրանի նախագահ Էբրահիմ Ռաիսին Ռուսաստան այցի ընթացքում մանրամասն բանակցություններ կվարի ՌԴ նախագահ Վլադիմիր Պուտինի հետ տարբեր հարցերի շուրջ։ Մասնավորապես, նախատեսվում է քննարկել համագործակցությունը մշակութային, քաղաքական և տեխնոլոգիական ոլորտներում։ Այս մասին այսօր հայտնել է Իրանի ԱԳՆ պաշտոնական ներկայացուցիչ Սաիդ Խաթիբզադեն, փոխանցում է ՌԻԱ Նովոստին։
«Նախագահ Ռաիսիի այցն իրականացվում է Ռուսաստանի նախագահի հրավերով։ Այցը մեծ նշանակություն ունի։ Ռաիսին մանրամասն քննարկումներ կունենա իր գործընկերոջ հետ, կանդրադառնա տարբեր հարցերի։ Օրակարգում է, մասնավորապես, համագործակցությունը քաղաքական, մշակութային և տեխնոլոգիական ոլորտներում։ Հուսով ենք, որ այս այցը կունենա իր ձեռքբերումները»,- ասել է Խաթիբզադեն ամենշաբաթյա ասուլիսի ժամանակ։
Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Ռաիսիի այցը Ռուսաստան շատ կարևոր կլինի՝ հաշվի առնելով Իրանի ղեկավարության փոփոխությունները՝ ընդգծելով, որ կողմերը պետք է քննարկեն տնտեսական օրակարգը, միջազգային քաղաքականության հարցեր, աշխատանքը ՄԱԿ-ում և միջազգային այլ կազմակերպություններում:
Տաթև Ֆռանգյան
