17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ես 2 օր առաջ «Էկոնոմ» դասով եմ Երևան եկել․ Ռուբինյանը՝ Մանուկյանին. ՏԵՍԱՆՅՈՒԹ
Քաղաքականություն
17.01.2022 | 10:36
«Ոչ պաշտոնական տեղեկություններով՝ ԱՄՆ գործուղված ԱԺ նախագահ Ալեն Սիմոնյանը պատվիրակության կազմում ներառել է նաև իր կնոջը և օգտվել թանկ տոմսից»,-ԱԺ լիագումար նիստում այսօր հայտարարեց «Հայաստան» դաշինքի պատգամավոր Արեգնազ Մանուկյանը:
Պատգամավորն ԱԺ փոխնախագահ Հակոբ Արշակյանից հետաքրքրվեց․ «Ամերիկյան վոյաժների մասին ոչ պաշտոնական տեղեկությունները որքանո՞վ են իրականությանը համապատասխանում։ ԱԺ նախագահ աշխատելուց ի վեր Ալեն Սիմոնյանը 120 000 դոլարով արդեն մի քանի երկիր է մեկնել գործուղման»։
«Զարմանում եմ, որ նման հարցեր եք տալիս,- պատասխանեց Հակոբ Արշակյանը:- Բոլոր ծախսերը թափանցիկ են, այդ թվում՝ գործուղումներինը։ Որևէ գաղտնիք չկա, պատվիրակության կազմը հայտնի է… Եկեք չապակողմնորոշենք հանրությանը, մանավանդ ԱԺ դահլիճում»։
Արեգնազ Մանուկյանն արձագանքեց․ «Ձեր պատասխանը ծիծաղելի է և դեմագոգիա է։ Ես հետաքրքրվել եմ, թե որքան գումար է ծախսվել կառավարական առանձնատան համար, որը նորոգվում է Ալեն Սիմոնյանի համար, և ինձ պատասխանել են, որ ծախսերը գաղտնի են։ Նախագահ Արմեն Սարգսյանի ծախսերը ևս թաքցվել են հանրությունից»։
Մանուկյանը հավելեց, որ ժամանակին այս իշխանության ներկայացուցիչները աշխատանքի էին գնում հեծանիվով կամ մետրոյով, այլ երկրներ էին գնում էկոնոմ դասի տոմսերով. «Իսկ հիմա բյուջեի մեջ են մտնում հեղափոխական էնտուզիազմով»:
«Ես երկու օր առաջ էկոնոմ դասով եմ հետ եկել Երևան, տիկի՛ն Մանուկյան: Պետք է ասեմ, որ Ձեր ոճը, մեղմ ասած, լավը չէ, բայց լավ եղեք»,- պատգամավորին այսպես արձագանքեց ԱԺ փոխնախագահ Ռուբեն Ռուբինյանը:
Մանրամասները՝ տեսանյութում:
