18.01.2026 | 10:13
Փակ են Ամբերդ ամրոց և Քարի լիճ տանող ավտոճանապարհները
Ղազախ ընդդիմադիրների ղեկավարը՝ երկրում անկարգությունների հրահրման ու օտարերկրյա զինյալների մասին
Քաղաքականություն
17.01.2022 | 15:49
Ֆրանսիայում բնակվող, փախուստի մեջ գտնվող ղազախ բանկիր Մուխթար Աբլյազովը «ՌԻԱ Նովոստ»-ին տված հարցազրույցում ասել է, որ Ղազախստանում ցուցարարներին կոչ է արել անկարգությունների ժամանակ զբաղեցնել վարչական շենքերը, իսկ անկարգությունները հրահրել են սադրիչները։
Ավելի վաղ Աբլյազովը հայտարարել էր, որ Ղազախստանում բողոքի ցույցերը համակարգվել է Կիևում կազմակերպչական շտաբի կողմից։
«Մենք կոչ ենք արել մարդկանց՝ զբաղեցնել վարչական շենքերը, չգրավել, զբաղեցնել՝ նշանակում է իրենցով լցնել»,- պարզաբանել է նա։
Նախկին բանկիրի խոսքով՝ հենց այդպես էլ գրված էր, այսպես կոչված, ընդդիմության մշակած ալգորիթմում։ Միաժամանակ, ինչպես վստահեցնում է Աբլյազովը, խոսքը ջարդուփշուրի ու բռնագրավումների մասին չէր։
Նա սադրիչներին է մեղադրել հրաձգություն կազմակերպելու և թալան իրականացնելու մեջ։ Աբլյազովը նաև պնդում է, որ բողոքի ակցիաներին օտարերկրացիներ չեն եղել ներգրավված, ինչպես ավելի վաղ հայտարարել էր Ղազախստանի նախագահ Կասիմ-Ժոմարտ Տոկաևը, թե օտարերկրյա զինյալները, այդ թվում՝ Աֆղանստանից և Մերձավոր Արևելքից, մասնակցել են «Ղազախստանի դեմ ագրեսիային»։
Տաթև Ֆռանգյան
