15.06.2026 | 13:01
Կփոխվի ԱԺ պատգամավորների երդման տեքստը․ Ալեն Սիմոնյանն օրենսդրական 3 նախաձեռնության մասին է հայտնել
Նիկոլ Փաշինյանի ծրագրային ելույթը․ օր 3-րդ. ՏԵՍԱՆՅՈՒԹ
Քաղաքականություն
15.04.2018 | 15:21
«Մենք Սերժ Սարգսյան անուն- ազգանունով առանձին մարդու հետ չունենք որևէ պրոբլեմ, մեր խնդիրը համակարգի դեմ է։ Երբ որ ասում ենք Սերժ Սարգսյան ՝ մենք հասկանում ենք կոռուպցիա, երբ որ ասում ենք Սերժ Սարգսյան՝ հասկանում ենք Սաշիկ Սարգսյան՝ այդտեղից բխող բոլոր դրսևորումներով»,- ընդգծեց Փաշինյանը։
Մենք քաղաքացիական հասարակության հետ ունեցել ենք լուրջ քննարկումներ և մշակել ենք գործողությունների մանրամասն պլան, որը պիտի կյանքի կոչենք վաղվանից սկսած։ Ես ուզում եմ նաև շնորհակալություն հայտնել բոլոր նրանց, ովքեր չեն զլացել, չեն հեռացել և մնացել են այստեղ՝ իրենց գործողությունները, ծրագրի առաջարկները ներկայացնելով։ Սա որևէ կոնկրետ ուժի գործողությունների պլան չէ։ Ես պիտի նշեմ, որ այդ գործողությունները չեն հատելու Քրեական օրենսգրքի սահմանները։ Այսինքն՝ այդ բոլոր գործողությունները լինելու են իրավունքի շրջանակներում, խաղաղ անհնազանդության տրամաբանության մեջ։ Եվ այդ գործողությունների պլանը ես մանրամասն կհայտարարեմ այսօր՝ 18:30 -ին»,- քիչ առաջ Ֆրանսիայի հրապարակում հարթակից հայտարարեց Նիկոլ Փաշինյանը։
Նա նաև հայտնեց, որ սկսվում է կամավորականների հավաքագրում․«Այստեղ տեղի կունենա կամավորների ցուցակագրում։ Մարդիկ, ովքեր պատրաստ են քաղաքացիական անհնազանդության գործողություններին մասնակցել ավտոմեքենայով, հեծանվով և հետիոտն»։
Հարթակից նաև հայտարարություն հնչեց թեմատիկ երկու քննարկումների անցկացման մասին՝ քաղաքացիական անհնազանդության միջոցառումների քննարկումների նպատակով։ Դրանք կմեկնարկեն ժամը 16:00-ին։
Մանրամասները՝ տեսանյութում:
