19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Վրաստանում կարանտինի և ինքնամեկուսացման ժամկետները փոխվել են
Քաղաքականություն
15.01.2022 | 18:47
Հունվարի 17-ից Վրաստանում փոխվում են կարանտինի և ինքնամեկուսացման կանոնները, փոխանցում է Jnews-ը։ Առողջապահության փոխնախարար Թամար Գաբունիայի խոսքով` պատվաստված\չպատվաստված և կորոնավիրուսով հիվանդացած անձանց համար ժամկետները տարբեր են լինելու:
«Վերջին շրջանում հնարավոր է դարձել և տրվել են համապատասխան միջազգային հանձնարարականներ մեկուսացման/կարանտինի ժամկետների կրճատման վերաբերյալ։ Ժամկետները հետեւյալն են. ասիմպտոմատիկ/թեթև դեպքերում դա կլինի 8 օր, ոչ պակաս, քան 24 ժամ ախտանիշների ի հայտ գալուց հետո, և խորհուրդ է տրվում դիմակ կրել մեկուսացմանը հաջորդող 5 օրերին:
Հիվանդության միջին և ծանր ընթացքի դեպքում ժամկետը առնվազն 10 օր է: Ակնհայտ է, որ պետք է լինի զգալի բարելավման դինամիկա վերջին 24 ժամում։ Այս դեպքում ևս, մեկուսացման ավարտից հետո հաջորդ 5 օրում անհրաժեշտ է խստորեն կրել դիմակ:
Ինչ վերաբերում է վարակակիրների հետ շփում ունեցած անձանց, ապա այստեղ ևս ժամկետները կրճատվում են: Այն դեպքում, երբ անձը պատվաստված է, ինչպես խթանիչ պատվաստանյութով, այնպես էլ երկու դեղաչափով, երկու շաբաթվա ընթացքում՝ պատվաստումից 90 օր հետո նրանց համար կարանտինը վերացվում է: Հիվանդությունից հետո 60 օրվա ընթացքում կարանտին կարող են չանցնել նաև նորից վարակվածները, բայց պայմանով, որ խստագույնս պահպանվի դիմակ կրելու ռեժիմը՝ վարակված անձի հետ շփվելուց հետո 10 օրվա ընթացքում:
Ինչ վերաբերում է չպատվաստվածներին, ապա նախկինի պես ուժի մեջ է մնում կարանտինը, վարակակրի հետ շփում ունենալուց հետո 8 օր պետք է կարանտին անցնի և դիմակ կրի առնվազն 9-ից 12 օր»,- հայտարարել է Գաբունիան:
Փոխնախարարի խոսքով՝ փոփոխություններն ուժի մեջ կմտնեն երկուշաբթի օրվանից:
