19.11.2024 | 22:38
Ադրբեջանի ԳՇ պետը Պակիստանում նոր զինատեսակների է ծանոթացել
ԲԱՆԱՎԵՃ․ Ռուբինյան-Քըլըչ հանդիպման առաջին համաձայնությունը․ ի՞նչ է սպասվում․ ՈւՂԻՂ
Քաղաքականություն
14.01.2022 | 19:00
Մոսկվայում ավարտվեց Հայաստան-Թուրքիա հարաբերությունների կարգավորման հարցով առաջին հանդիպումը։ Ըստ ՀՀ ԱԳՆ-ի՝ հարաբերությունների կարգավորման բանագնացներ Ռուբեն Ռուբինյանի և Սերդար Քըլըչի հանդիպումն անցել է կառուցողական մթնոլորտում, մտքեր են փոխանակվել Հայաստանի եւ Թուրքիայի միջև երկխոսության միջոցով կարգավորման գործընթացի վերաբերյալ։ Ըստ Հայաստանի՝ կողմերը համաձայնվել են շարունակել լիարժեք կարգավորմանն ուղղված բանակցությունները՝ առանց նախապայմանների։
Թուրքիայի ԱԳՆ-ի հայտարարությունը գրեթե նույնն է, միայն թե կառուցողական բառի կողքին նաև դրական են գնահատել առաջին հանդիպումը։ Բայց արդյո՞ք ամեն ինչ այսքան պարզ է ու դրական, և Հայաստանը վտանգների չի բախվելու այս գործընթացով։ Թուրքիան մի երկիր է, որը 44-օրյա պատերազմում անվերապահ աջակցել է Ադրբեջանին։
Երկրորդ հանդիպման ամսաթիվն ու վայրը դեռ կորոշվի դիվանագիտական ուղիներով, իսկ մինչ այդ, Factor TV-ի եթերում բանավեճ ենք հրավիրել՝ քննարկելու առաջին հանդիպման արդյունքները։ Քննարկման մասնակիցներն են թուրքագետ Տիրան Լոքմագյոզանը, ՀՀ արտակարգ և լիազոր դեսպան Արա Պապյանը, քաղաքագետ Դավիթ Ստեփանյանը, «Ազատ քաղաքացի» ՀԿ ղեկավար Հովսեփ Խուրշուդյանը, քաղաքագետ Էդգար Վարդանյանը։
