08.08.2026 | 10:30
Սևանա լճի մակարդակը հունվարի 1-ի համեմատ բարձր է 55 սմ-ով
Human Rights Watch-ը՝ ՀՀ-ում լրագրողների իրավունքների ոտնահարումների մասին․ զեկույց
Քաղաքականություն
14.01.2022 | 18:41
Վերջին պատերազմը և քաղաքական ճգնաժամը Հայաստանում բուռն հանրային քննարկումների տեղիք տվեցին, որոնք հաճախ ուղեկցվում էին խորհրդարանի անդամների և այլ պետական պաշտոնյաների բորբոքված ելույթներով ու երբեմն ուղղված էին իրավապաշտպանների և ակտիվիստների դեմ: Կառավարությունը մի քանի փորձեր ձեռնարկեց, այդ թվում՝ օրենսդրական փոփոխություններ մտցնելով, ատելություն պարունակող և նվաստացնող խոսքի տարածման դեմ պայքարելու համար։ Այս մասին ասված է Human rights watch (HRW) կազմակերպության հրապարակած զեկույցում։
2021 թվականի առաջին վեց ամիսների ընթացքում Խոսքի ազատության պաշտպանության կոմիտեն արձանագրել է լրագրողների նկատմամբ ֆիզիկական բռնության 15 դեպք՝ ինչպես պետական պաշտոնյաների, այնպես էլ մասնավոր անձանց կողմից:
Օգոստոսի 11-ին խորհրդարանի նիստի ժամանակ խորհրդարանի խոսնակը լրագրողներին արգելել է նկարահանել իշխանական և ընդդիմադիր խորհրդարանականների միջև վիճաբանությունը։ Հատուկ ջոկատայինները հրամայել են լրագրողներին դադարեցնել նկարահանումները, իսկ հետո նրանց հրահանգել են դուրս գալ խորհրդարանում իրենց հատկացված սենյակից։
Նշվում է նաև, որ Մարդու իրավունքների եզդիական կենտրոնի ոչ կառավարական խմբի նախագահ Սաշիկ Սուլթանյանի դեմ իշխանությունները կեղծ քրեական մեղադրանքներ են առաջադրել:
Մեղադրանքը բխում է Սուլթանյանի Yezidinews.am կայքին տված հարցազրույցից, որտեղ նա պնդում էր Հայաստանում եզդի փոքրամասնությունների նկատմամբ խտրական վերաբերմունքի մասին։ Մեղադրանքը ներկայացնող Ազգային անվտանգության ծառայությունը սխալ կերպով որպես «սադրանք» է որակել Սուլթանյանի հարցազրույցը, որը խոսքի ազատություն է։
Տաթև Ֆռանգյան
