17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Լավրովը՝ ՀՀ-ի և Թուրքիայի հատուկ ներկայացուցիչների հանդիպման ու 3+3 հարթակի մասին․ ՏԵՍԱՆՅՈՒԹ
Քաղաքականություն
14.01.2022 | 14:59
Մոսկվան օգնում է Անկարային և Երևանին ուղիղ երկխոսություն հաստատել և հուսով է, որ դա հաջող կլինի։ Այս մասին հայտարարել է ՌԴ ԱԳ նախարար Սերգեյ Լավրովը 2021 թվականին ռուսական դիվանագիտության գործունեության արդյունքների վերաբերյալ ամփոփիչ մամուլի ասուլիսի ժամանակ։
«Թուրքիան և Հայաստանը նշանակել են իրենց հատուկ ներկայացուցիչներին: Ռուսաստանը օգնել է հասնել այդ համաձայնությանը, և մենք շատ ուրախ ենք, որ այսօր առաջին հանդիպումը տեղի է ունենում Մոսկվայում: Մեր դերն է՝ օգնել ուղիղ երկխոսության հաստատմանը: Հուսով եմ՝ այն հաջող կլինի»,- ասել է նա։
Անդրադառնալով Հարավային Կովկասի վերաբերյալ «3+3» հարթակին Վրաստանի՝ մասնակցությունից հրաժարվելուն՝ Լավրովը նշել է, որ նման անդամակցությունը չի պարտադրի Թբիլիսիին՝ փոխել իր քաղաքական դիրքորոշումները։
«Կարող ենք պայմանավորվել, որ այս ձևաչափով քննարկում ենք միայն այն թեմաները, որոնք հետաքրքրում են բոլոր մասնակիցներին»,- ասել է նա՝ նշելով, որ Մոսկվան չունի դիվանագիտական հարաբերություններ Թբիլիսիի հետ, ուստի ավելի քիչ հնարավորություն ունի բացատրելու փոխգործակցության այս ձևի առավելությունները։
«Մենք դիմել ենք մեր թուրք, ադրբեջանցի գործընկերներին, Հայաստանին՝ խնդրանքով, որ նրանք, այնուամենայնիվ, բացատրեն մեր վրացի հարևաններին՝ իրենց և բոլորիս համար այս ձևաչափին միանալու շահեկանությունը։ Անդամակցությունը նրանց քաղաքական դիրքորոշումների վերաբերյալ ոչ մի բանի չի պարտադրի»,- ընդգծել է Լավրովը։
Մանրամասները՝ տեսանյութում
Տաթև Ֆռանգյան
