10.10.2026 | 12:57
Նավթի գներն աճել են
ԲԴԽ-ն խոստովանում է՝ չի ցանկանում ավտոմատ մակագրման համակարգը հետ բերել. դատավոր Դավիթ Հարությունյան. ՏԵՍԱՆՅՈՒԹ
Քաղաքականություն
14.01.2022 | 14:31
Մարզահամերգային համալիրում տեղի է ունենալու Դատավորների ընդհանուր ժողովը, որից հետո դատավորները կընտրեն Դատավորների միության նախագահ։
Միության նախագահի պաշտոնում առաջադրել են Վերաքննիչ քրեական դատարանի դատավոր Ալեքսանդր Ազարյանն ու ՀՀ վճռաբեկ դատարանի քրեական պալատի դատավոր Ելիզավետա Դանիելյանը։
«Համոզված եմ Դատավորների միության նախագահ կընտրվի Ալեքսանդր Ազարյանը»,- լրագրողների հետ զրույցում նշեց Երևանի ընդհանուր իրավասության դատարանի դատավոր Դավիթ Հարությունյանը:
Հարցին, թե ինչ է տալու Ազարյանի ընտրվելը որպես Միության նախագահ, դատավորը պատասխանեց. «Վերջապես, Միությունը կսկսի գործել ու, առաջին հերթին, կզբաղվի դատավորների շահերի պաշտպանությամբ»։
Հարությունյանը հավելեց, որ տհաճ է, որ փորձ է արվելու տապալել Ազարյանի ընտրությունը, և հույս հայտնեց՝ չի ստացվի:
Անդրադառնալով ԱԱԾ-ի կողմից Վերաքննիչ քրեական դատարանի ավտոմատ մակագրումների համակարգիչները տանելու փաստին՝ դատավոր Հարությունյանը նշեց, որ դրանով խոչընդոտվում է դատական իշխանության աշխատանքը։
«Մեղմ ասած, իրավաչափ չէ այդ համակարգիչներից ձերբազատումը: Ոնց հասկանում եմ ԲԴԽ հայտարարությունից, Բարձրագույն դատական խորհուրդը չի թաքցնում՝ ցանկություն չունեն դա հետ բերելու։ Ասում են, թե իբր բանակցում են նոր ընկերությունների հետ, ինչ-որ միջոցներ են ձեռնարկում, բայց երբևէ լսե՞լ եք, որ որևէ միջոց ձեռնարկեն այդ համակարգիչները հետ բերելու ուղղությամբ, հրապարակային այդ մասին չեն ասում»,- նշեց դատավորը։
Մանրամասները՝ տեսանյութում:
