29.06.2026 | 09:53
ՀՀ տարածքում ավտոճանապարհներն անցանելի են
Միության նախագահ ընտրվելու իմ շանսերը բարձր եմ գնահատում. Ալեքսանդր Ազարյան. ՏԵՍԱՆՅՈՒԹ
Քաղաքականություն
14.01.2022 | 14:17
«Տեղեկություն եմ ստացել, որ մի շարք դատավորներ մտադիր են տապալել այսօրվա գործընթացը»,- այս մասին ասյօր լրագրողների հետ զրույցում նշեց Վերաքննիչ քրեական դատարանի դատավոր Ալեքսանդր Ազարյանը:
Նշենք, որ Մարզահամերգային համալիրում տեղի է ունենալու Դատավորների ընդհանուր ժողովը, որից հետո դատավորները կընտրեն Դատավորների միության նախագահ:
Միության նախագահի պաշտոնում առաջադրվել են Վերաքննիչ քրեական դատարանի դատավոր Ալեքսանդր Ազարյանն ու ՀՀ վճռաբեկ դատարանի քրեական պալատի դատավոր Ելիզավետա Դանիելյանը։
«Կազմակերպված է տապալել հենց կոնկրետ Միության նախագահի ընտրությունները», – ասաց Ազարյանը՝ հավելելով, թե չի կարող գուշակել՝ որն է պատճառը։
Ազարյանն ընդգծեց՝ վստահ է՝ իր շանսերը բարձր են ու եկել է ընտրվելու նպատակով։
Հարցին՝ արդյո՞ք ճնշումներ են իրականացվում դատավորների նկատմամբ, Վերաքննիչ քրեական դատարանի դատավորն արձագանքեց. «Մեզ նման դատավորներին անհնար է վախեցնել։
Ես մի քանի հարցազրույցում երկու-երեք տարի առաջ հայտարարել եմ՝ այն ժամանակ բացահայտ ճնշումներ են եղել դատավորների նկատմամբ գործադիր մարմնի ներկայացուցիչների կողմից»:
Մանրամասները՝ տեսանյութում:
