26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
ՀԱՊԿ անդամ երկրներում իրավիճակի խաթարմանն ուղղված հավակնությունները բավականին շատ են․ Լավրով. ՏԵՍԱՆՅՈՒԹ
Քաղաքականություն
14.01.2022 | 13:43
ՀԱՊԿ-ը պետք է վառոդը չոր պահի։ Այսօր ասուլիսի ժամանակ ասաց ՌԴ արտգործնախարար Սերգեյ Լավրովը՝ մեկնաբանելով այլ երկրներում ղազախական իրադարձությունների կրկնության հնարավորությունը:
«Ղազախստանի նախագահն իր դաշնակիցներին է դիմել Հավաքական անվտանգության մասին պայմանագրին ու ՀԱՊԿ կանոնադրությանը համապատասխան։ Կազմակերպությունը ցույց տվեց, որ վերջին տարիներին խաղաղարար ներուժի ստեղծման ուղղությամբ գործադրվող ջանքերը բավականին արդյունավետ են եղել, և պարզվեց` շատ ու շատ պահանջված», – ասաց Լավրովը։
Նա հիշեցրեց հայտնի ասացվածքը`խաղաղություն ես ուզում, պատրաստվիր պատերազմի, և հավելեց, որ, բարեբախտաբար, հարցը պատերազմի չհասավ. «Բայց խաղաղապահների ներուժն իր գործունակությունն ապացուցեց ամբողջ աշխարհին»։
«Բոլորն ըստ արժանվույն գնահատեցին այն զարմանքը, թե ինչպես էին Արևմուտքում հետևում միութենական Ղազախստանին օգնելու համար ՀԱՊԿ բոլոր երկրների ստորաբաժանումների տեղակայման արագությանը։ Ես դրանում չեմ կասկածում», – նշեց Լավրովը։
Նա հույս հայտնեց, որ այդ փորձը չի կրկնվի, միաժամանակ ընդգծելով. «Վառոդը պետք է չոր պահել, Ռուսաստանն էլ ամեն ինչ անում է իրադարձությունների նման զարգացումը կանխելու համար, այդ թվում ՝ ՀԱՊԿ-ի շրջանակում» ։
Լավրովի խոսքով՝ եթե ինչ–որ բան տեղի ունենա, կազմակերպությունը պետք է պատրաստ լինի, քանի որ Կենտրոնական Ասիայում և այլ երկրներում իրավիճակը խարխլելու արտաքին ոտնձգությունները չեն վերացել, նույնիսկ ավելի համառ են դարձել այն բանից հետո, երբ ԱՄՆ-ն փախավ Աֆղանստանից՝ երկիրը թողնելով ներկայիս վիճակում։
Լավրովը հավելեց, որ պետք է շարունակվի ահաբեկիչների քնած բջիջների դեմ պայքարը, բայց դա պետք է անեն հատուկ ծառայությունները, այդ թվում՝ ՀԱՊԿ-ի շրջանակում:
Մանրամասները՝ տեսանյութում:
