19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Ուրցաձոր բնակավայրի վարչական ղեկավար Ռաֆիկ Անդրեասյանը պաշտոնանկ է արվել Գարիկ Սարգսյանի կողմից
Քաղաքականություն
14.01.2022 | 13:04
Արարատի մարզի Վեդի համայնքի ղեկավարի պաշտոնակատար Գարիկ Սարգսյանը երեկ համայնքի բնակավայրերի վարչական ղեկավարներ է նշանակել։ Այս մասին Factor.am-ը տեղեկանում է համայնքի պաշտոնական կայքից։
Հատկանշական է, որ Սարգսյանի որոշումներից մեկով Ուրցաձոր համայնքի ղեկավար Ռաֆիկ Անդրեասյանը հեռացվել է պաշտոնից, նրան փոխարինել է Նուշիկ Մարտիրոսյանը։ Անդրեասյանն այդ պաշտոնում էր 2001 թվականից՝ սկզբում որպես գյուղապետ, իսկ 2016 թվականից՝ Ուրցաձոր խոշորացված համայնքի համայնքապետ։ Սակայն 2018 թվականի հոկտեմբերի 10-ին Ռաֆիկ Անդրեասյանը հրաժարական տվեց, իսկ 2019 թվականին վերընտրվեց համայնքի ղեկավար։
Դետկետմեբրի 5-ին կայացած ՏԻՄ ընտրություններում Ուրցաձոր գյուղում Գարիկ Սարգսյանը պարտություն էր կրել: ՔՊ-ի օգտին քվեարկել էր 420 մարդ, Ռաֆիկ Անդրեասյանի՝ «Հզոր համայնք»-ի օգտին` 728, իսկ «Հանրապետություն»-ը ստացել է 120 ձայն:
Դեկտեմբերի 16-ին, սակայն, «Քաղաքացիական պայմանագիր» և «Հանրապետություն» կուսակցությունների ավագանու բոլոր թեկնածուները ինքնաբացարկի դիմումներ են ներկայացրել, ինչի պատճառով հունվարի 4-ին ՀՀ կառավարությունն ավագանու լիազորությունները վաղաժամկետ դադարեցնելու և ավագանու արտահերթ ընտրություններ նշանակելու մասին որոշում է ընդունել:
Ռոզա Վարդանյան
