29.06.2026 | 11:15
Փոփոխություններ Արցախից տեղահանված ընտանիքների բնակապահովման պետական աջակցության ծրագրում. ՈՒՂԻՂ
ՀԱՊԿ անդամ որ երկրների խաղաղապահներն են արդեն հեռացել Ալմաթիից
Քաղաքականություն
14.01.2022 | 13:13
ՀԱՊԿ խաղաղապահների ստորաբաժանումները Հայաստանից, Տաջիկստանից և Ղրղզստանից դուրս են եկել Ալմաթիից և շարժվել են դեպի իրենց մշտական տեղակայման վայրերը։ Այս մասին հայտնում է ՏԱՍՍ-ի թղթակիցը։
Հայաստանից ժամանած ստորաբաժանումներն իրենց մեքենաներն ու անձնակազմը բեռնել են ՌԴ օդատիեզերական ուժերի երեք ռազմատրանսպորտային Իլ-76 ինքնաթիռներ և օդ բարձրացել Ալմաթիի օդանավակայանից։
Իրենց հերթին, տաջիկ զինծառայողները մեկնել են ռուսական մեկ Իլ-76 ինքնաթիռով՝ իրենց հետ տանելով Ղազախստանի ռազմաուսումնական հաստատություններում սովորող իրենց կուրսանտներին՝ հաշվի առնելով տոնական օրերը։
Ղրղզ խաղաղապահներն էլ Ալմաթիի ՋԷԿ-2-ի տարածքից, որի անվտանգությունն են ապահովել, սեփական ավտոշարասյունով շարժվել են դեպի իրենց պետական սահման։ Նրանք պետք է հաղթահարեն 250 կմ՝ մինչ Ղրղզստանի հետ սահման։
ՌԴ ՊՆ հաղորդմամբ էլ ՝ՀԱՊԿ հավաքական խաղաղապահ ուժերի բելառուսական ստորաբաժանումները ՌԴ օդատիեզերական ուժերի 10 ինքնաթիռով թռիչք են կատարել հանրապետությունից դեպի Մինսկի մարզ:
«Բելառուսի Հանրապետության ՀԱՊԿ խաղաղապահներով տասը ինքնաթիռ, ավարտելով բեռնումը, Ժիտիգեն օդանավակայանից օդ են բարձրացել և ուղևորվել դեպի Մինսկի մարզ»,- ասվում է ռազմական գերատեսչության հաղորդագրության մեջ։
Տաթև Ֆռանգյան
