18.08.2026 | 19:29
Երևանում, Արարատյան դաշտում ու 3 մարզում սպասվում է բարձր կարգի հրդեհավտանգ իրավիճակ
Կոչ ենք անում կողմերին զերծ մնալ ուժային մեթոդներից. Զախարովան՝ սահմանային լարվածության մասին. ՏԵՍԱՆՅՈՒԹ
Քաղաքականություն
13.01.2022 | 18:13
Ռուսաստանը լրջորեն անհանգստացած է հայ-ադրբեջանական սահմանին սրացումով և կոչ է անում կողմերին զերծ մնալ ռազմական լուծումից։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան իր ամենշաբաթյա ճեպազրույցի ժամանակ։
«Մենք լրջորեն մտահոգված ենք հայ-ադրբեջանական սահմանին իրավիճակի հերթական սրմամբ: Մենք կողմերին կոչ ենք անում զերծ մնալ ուժային մեթոդներից և բոլոր վիճելի հարցերը լուծել բացառապես քաղաքական և դիվանագիտական միջոցներով»,- ասել է Զախարովան։
Երկարաժամկետ հեռակարում կայունության և անվտանգության հասնելու համար, ըստ Զախարովայի, պետք է շուտափույթ սկսել հայ-ադրբեջանական պետական սահմանի դելիմիտացիայի և դեմարկացիայի գոծընթացները, ինչն արձանագրված է երեք երկրների առաջնորդների կողմից նոյեմբերի 24-ին Սոչիում ձեռք բերված պայմանավորվածություններում։
«Կարևոր է գործը հասցնել դրա համար նախատեսված երկկողմանի հանձնաժողով ստեղծելուն։ Ռուսաստանը պատրաստ է դրան տրամադրել խորհրդատվական աջակցություն»,- ասել է նա։
Նշենք, որ Factor.am-ը ևս դիմել էր Ռուսաստանի արտաքին քաղաքական գերատեսչության մամուլի ծառայություն՝ պարզելու, թե ինչ դիրքորոշում ունեն հայ-ադրբեջանական սահմանին եղած լարվածության վերաբերյալ։ «Մեզ հետաքրքիր է, թե ինչպես է վերաբերում Ռուսաստանը նրան, որ Սոչիում ձեռք բերված պայմանավորվածություններից հետո իրավիճակը հայ-ադրբեջանական սահմանում չի հանդարտվում»,- նշել էինք մեր հարցման մեջ։
