13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Ալիևը հայտարարել է, որ ՀՀ-ի հետ սահմանին 700 կմ ռազմական նշանակության ճանապարհ է անցկացվել
Քաղաքականություն
13.01.2022 | 15:11
Ադրբեջանի նախագահ Իլհամ Ալիևը տեղական հեռուստաընկերություներին տված հարցազրույցում հայտարարել է, որ Արցախի գրավյալ Շահումյանի և Քաշաթաղի շրջաններում, որոնք սահմանակից են Հայաստանին, մոտ 700 կմ ռազմական նշանակության ճանապարհ է կառուցվել։
«Քելբաջարում (Քարվաճառ), Լաչինի (Բերձոր), Զանգիլանի (Կովսական) շրջաններում՝ Հայաստանի հետ սահմանին, մենք անցկացրել են գրեթե 700 կմ ճանապարհ։ Այդ ճանապարհները կարելի է համարել ծառայողական կամ ռազմական, դրանք տանում են դիրքեր, սահմաններ, բարձրանում լեռներ»,- ասել է Ալիևը։
Նա ասել է, թե հայկական կողմը, իբր, պարբերաբար կրակում է այդ ուղղությամբ։
«Այդ ճանապարհներն ու էլեկտրահաղորդման գծերն անհրաժեշտ են նաև, որ մենք դուրս գանք այդ սահմաններ, պաշտպանենք դրանք, և այսօր մենք հասել ենք դրան՝ Արաքսից մինչև Մռավ՝ սահմանի ամբողջ երկայնքով»,- ասել է Ադրբեջանի նախագահը։
Հավելենք, որ ավելի վաղ Ադրբեջանի ՊՆ-ն հայտարարել էր Արցախի գրավյալ Շահումյանի ու Քաշաթաղի շրջաններում 580 կմ ճանապարհի կառուցման մասին, մինչդեռ Ալիևը խոսում է 700 կմ-ի մասին։
«Մասնավորապես, Քարվաճառի շրջանի Իստիսու բնակավայրից մինչև Լաչինի Մինքենդ բնակավայր, ինչպես նաև պետական սահմանի երկայնքով այլ ուղղություններով անցկացվել է ավելի քան 580 կմ ոչ ասֆալտապատ ճանապարհ»,-հաղորդել էր ՊՆ-ն։
Էմմա Չոբանյան
