08.09.2026 | 21:22
ՊՆ ՌՈ պետ Արամ Հովհաննիսյանն անցկացրել է ստուգատես
«Իմ քայլը» եւ «Մերժիր Սերժին» նախաձեռնության երիտասարդները փակեցին Արշակունյաց պողոտան (ՏԵՍԱՆՅՈՒԹ)
14.04.2018 | 17:22
«Իմ քայլը» եւ «Մերժիր Սերժին» նախաձեռնության երիտասարդները փակեցին Արշակունյաց պողոտան
Հանրային ռադիոյից Խանջյան փողոցով դեպի Արշակունյաց պողոտա երթով շարժված «Իմ քայլը» եւ «Մերժիր Սերժին» նախաձեռնության անդամներն ու նրանց աջակիցները փակեցին Արշակունյաց պողոտան։ Կրկեսի եւ Մամուլի շենքի հարակից հատվածում Արշակունյաց պողոտան արգելափակած ընդդիմադիրների անունից Նիկոլ Փաշինյանը ներողություն խնդրելով վարորդներից՝ կոչ արեց նրանց միանալ այսօր 18,30 Ազատության հրապարակում կայանալիք հանրահավաքին․ «Քայլ արա՝ մերժիր Սերժին» վանկարկումներով այս պահին երիտասարդները նստած են Արշակունյաց պողոտայի երկայնքով։ Դժգոհող վարդրոներին Նիկոլ Փաշինյանը խնդրեց ըմբռնումով մոտենալ՝ հիշեցնելով, որ երբ Սերժ Սարգսյանն իր ավտոշարասյուներով անցնում է՝ փակելով փողոցները, վարորդները չեն բողոքում։ Այս ընթացքում ցուցարարները ճանապարհ տվեցին հարսանյաց մի ավտոշարասյունի, ինչպես նաեւ մեքենայում քնած երեխաներ ունեցող մի վարորդի։ Մոտ 15 րոպե պողոտան փակ պահելուց հետո՝ ցուցարարներն այն բացեցին եւ շարժվեցին առաջ՝ դեպի երեւանի քաղաքապետարանի շենք։
