14.09.2026 | 09:30
ՀՀ տարածքում ավտոճանապարհներն անցանելի են
Թբիլիսին վստահ է, որ ՆԱՏՕ-ին Վրաստանի անդամակցության վերաբերյալ հստակ որոշում կկայացվի Մադրիդի գագաթնաժողովում
Քաղաքականություն
12.01.2022 | 22:47
Վրաստանի փոխվարչապետ, արտգործնախարար Դավիթ Զալկալիանին վստահություն է հայտնել, որ Մադրիդում ՆԱՏՕ-ի գագաթնաժողովին, որը կկայանա այս տարվա հունիսին, հստակ որոշումներ կկայացվեն դաշինքին հանրապետության ինտեգրման վերաբերյալ։ Այս մասին հայտնում է 1TV.ge-ն։
«Մենք երաշխիք ունենք, որ այս տարի Մադրիդում կայանալիք գագաթնաժողովին հստակ որոշում կկայացվի Վրաստանի՝ ՆԱՏՕ-ին անդամակցելու վերաբերյալ», – չորեքշաբթի օրը վրացական լրատվամիջոցներին տված հարցազրույցում ասել է Զալկալիանին։
Փոխվարչապետը հավելել է, որ Վրաստանի՝ ՆԱՏՕ մտնելու մասին որոշումը կայացվել է դեռ 2008 թվականին Բուխարեստի գագաթնաժողովում։ Դա «կարմիր գիծ» է եւ չի վերանայվի։
Զալկալիանին նաև մեկնաբանել է չորեքշաբթի Բրյուսելում ՆԱՏՕ-Ռուսաստան խորհրդի նիստը, որը նվիրված է անվտանգության խնդիրներին։
«Վստահ եմ, որ այսօր՝ Ռուսաստան-ՆԱՏՕ խորհրդի նիստի ժամանակ, ՆԱՏՕ-ի մեր գործընկերների դիրքորոշումը կլինի անփոփոխ և շատ հաստատուն։ Եվս մեկ անգամ նրանք Ռուսաստանի Դաշնությանը կասեն, որ Վրաստանի և Ուկրաինայի վերաբերյալ ՆԱՏՕ-ի որոշումները չեն վերանայվի»,- ընդգծել է Զալկալիանին։
Տաթև Ֆռանգյան
