Քաղաքականություն
12.01.2022 | 16:35«Ձեր խոսքում ասացիք, որ դատավորներին գործերն էլեկտրոնային համակարգով մակագրումն արդար դատաքննության, դատավորների անկողմնակալության ստանդարտ է։ Այդ ստանդարտը չկա 2021 թվականի հուլիսից չկա, սա արդար դատաքննության իրավունքի խախտո՞ւմ է, թե ոչ»,- «Քաղաքացիական պայմանագիր» խմբակցության կողմից առաջադրված Մարդու իրավունքների պաշտպանի թեկնածու Քրիստինե Գրիգորյանի հետ հանդիպմանը հետաքրքրվեց «Հայաստան» խմբակցության պատգամավորն Արամ Վարդևանյանը։
Ըստ Գրիգորյանի՝ էլեկտրոնային մակագրման համակարգի չվերականգնումը խնդիր է, բայց խախտումն արձանագրելու համար պետք է նաև փաստեր ունենալ, որ ալտերնատիվ տարբերակն էլ չի գործել։
«Եթե որոշ դատարաններում մակագրություններն արվում են անկողմանկալության սկզբունքի խախտմամբ, ուրեմն որոշ դատարաններում խնդիր ունենք»,- նշեց ՄԻՊ թեկնածուն՝ հավելելով՝ ես ուղղակի չեմ հասկանում ձեր հեգնանքը:
«Ես առհասարակ հեգնանքով չեմ խոսում, ինձ մոտ ուղղակի հոգոց է առաջանում և դրա պատճառն էլ շատ օբյեկտիվ է: Ձեզ մոտ էական մտահոգություն չի առաջանում, գնահատական տալու տեսանկյունից փորձում եք « եթե, ապա»-ով ապահովագրել ձեր միտքը»,- արձագանքեց Վարդևանյանը:
Մանրամասները՝ տեսանյութում:
