29.09.2026 | 11:10
Պուտինը տարվա ընթացքում 4-րդ անգամ ավելացրել է բանակի թվաքանակը՝ հասցնելով 2,44 միլիոն մարդու
Նիկոլ Փաշինյանը բանակցում է Հանրային ռադիոյի ղեկավարության հետ ՝ ուղիղ եթերի տրամադրման շուրջ (ՏԵՍԱՆՅՈՒԹ)
Քաղաքականություն
14.04.2018 | 15:49
Հանրային ռադիո մուտք գործած Նիկոլ Փաշինյանը եթերային ստուդիայից կապվեց Հանրային ռադիոյի տնօրեն Մարկ Գրիգորյանի հետ՝ պահանջելով իրեն տրամադրել ուղիղ եթեր, հեռախոսազրույցի ընթացքում ընդհանուր հայտարարի չգալուց հետո, եթերային ստուդիա մտավ ռադիոյի փոխտնօրենը եւ առաջարկեց Նիկոլ Փաշինյանի հետ ժամը 19,00 -ին հարցազրույց անցկացնել, ինչին, սակայն, Փաշինյանը չհամաձայնեց․ «Ժանրը, որի հետեւից ես այստեղ եկել եմ, հարցազրույցը չէ, այլ ուղերձը ժողովրդին»,- իր մերժումը հիմնավորեց Փաշինյանը։ Մի քանի րոպե տեւած բանակցություններից հետո ռադիոյի փոխտնօրենը հեռացավ՝ իր ղեկավարության հետ հարցը քննարկելու նպատակով։ Փաշինյանի աջակիցները վանկարկում էին հի-մա, հի-մա։ Նիկոլ Փաշինյանը կոչով դիմեց Հանրային ռադիոյի նախկին աշխատակիցներին․« Ովքեր գիտեն այս սարքերը միացնելու ձեւը, խնդրում եմ, եկեք, օգնեք մեզ՝ միացնելու այս սարքերը եւ 10 րոպեանոց ուղիղ եթեր ունենալ»,- դիմեց նա։
